Täze Zelandiýada ýer titremesi boldy

Täze Zelandiýanyň Geologiýa gullugy GeoNet-den berilen beýanata görä, güýç merkezi Gisborn şäheriniň 20 km günortasynda 5,3 bal ululygynda ýer titremesi bellige alyndy.

Ýerli wagt bilen sagat 12:58-de deňiziň 29 km aşagynda bolan ýer titremeden soň, beýanat beren Täze Zelandiýanyň Raýat goranyş gullugy sunami howpynyň bolmandygyny habar berdi.

Ýangyn söndüriji we Adatdan daşary ýagdaýlar edaralary hem Gisborn sebitinde duýulan ýer titremede hiç hili ýitgi çekilmändigini habar berdiler.

Beýleki tarapdan GeoNet gullugy, ýer titremäniň düýn bolan we 5 adamyň ýogalmagyna, 8 adamyň dereksiz ýitmegine we 31 adamyň ýaralanmagyna sebäp bolan Ak adadaky wulkan partlamasy bilen hiç hili arabaglanşygynyň bolmandygyny aýan etdi.