Pamukkale syýahatçy sany boýunça geçen ýyl rekord goýdy
Türkiýäniň iň möhüm syýahatçylyk zolaklarynyň biri bolan Pamukkale, 2019-njy ýylda 2 million 580 müň 245 myhmana gapysyny açyp, syýahatçy sany boýunça rekord goýdy
Trawertinleri we jana şypaly suwlary bilen birlikde Kleopatra howuzy, Jähennem gapysy, Isa pygamberiň 12-nji eýerijileriniň biri bolan Filipiň aramgähi ýaly ençeme taryhy baýlyga eýe bolan Denizli welaýatynyň Pamukkale syýahatçylyk zolagyna gelýän myhmanlaryň sany ýylsaýyn artýar.
2000-nji ýylda syýahatçy sany 839 müň 264 bolan Pamukkale 1 ýylda syýahat eden myhmanlaryň sany, 2019-njy ýylda 2 million 580 müň 245-e ýetdi.
Pamukkale gelen ýerli we daşary ýurtly syýahatçylaryň sany boýunça 2020-nji ýylda 3 milliondan gowrak myhmanyň gelmegine garaşylýan syýahatçylyk pudagynyň wekilleri we ýerli dolandyryjylar, şu ýylyň Denizli welaýaty üçin möhüm ýyl boljakdygyny belläp, 2020-nji ýylyň Denizli ýyly boljakdygyna ynanýarlar.
2019-njy ýylda esasan hem Russiýadan, Germaniýadan we Britaniýadan gelen syýahatçylaryň sanynda artyş bellige alyndy.
Degişli Habarlar
2 Aýda Stambula 2 Million 457 Müň 518 Syýahatçy Geldi
Stambul şäherine gelen daşary ýurtly syýahatçy sany 8,08 göterim artdy.
Türkiýe Medeniýet Ýoly Festiwaly 16 Şäherde Geçirler
8 aý dowam etjek festiwalyň çäginde 6 müňden gowrak çäre geçirler.