Rus žurnalist Nobel sylagyny ukrainaly bosgun çagalar üçin satdy
2021-nji ýylda Nobel Parahatçylyk sylagyna laýyk görülen rus žurnalist Dmitriý Muratow, sylagyny ukrainaly bosgun çagalar üçin 103,5 million dollara satdy
"Heritage Auctions" atly auksion merkezi, ABŞ-nyň Nýu-Ýork şäherinde Dmitriý Muratowyň Nobel sylagyny satuwa çykardy.
Rus žurnalist Dmitriý Muratowyň ukrainaly çagalar üçin satuwa çykaran 2021-nji ýylda Nobel Parahatçylyk sylagy 103,5 million dollara satyldy.
Muratow satuw işlerinden soň beren beýanatynda: "Örän uly raýdaşlyk boljakdygyny çak edýärin, emma bular ýaly uly mukdara satyljakdygyny pikir etmeýärdim" diýip habar berdi.
Sylagdan alynjak girdejiniň ÝUNISEF-iň üsti bilen ukrainaly çagalaryň peýdasyna ulanyljakdygy aýan edildi.
Rus žurnalist Muratowyň 103,5 million dollara satan Nobel sylagy, Jeýms Watsonyň 2014-nji ýylda 4,74 million dollara satylan sylagyndan hem geçip, rekord derejä satyldy.
"Heritage Auctions" atly auksion merkezi Nobel sylagyny alan alyjynyň şahsyýetini aýan etmedi.
Muratow 1993-nji ýylda rus Nowaýa gazeta atly gazediň esaslandyryjylarynyň biridi.
Nobel komitedi: "Nowaýa gazedi şu günki gün Russiýanyň iň garaşsyz gazedi we hökümede garşy esasda tankydy pozisiýa eýeleýär" diýip aýdypdy.
