Tanymal Pälwan Reşit Karabajak Kowid-19 Sebäpli Ýogaldy
Reşit Karabajak, Bursada koronawirus sebäpli 66 ýaşynda ýogalýar
Ýewropa we dünýä çempionatlarynda gazanan üstünlikleri bilen Türkiýäni buýsandyran we Kyrkpynarda göreşen milli ýygyndynyň türgenleşdirijisi Reşit Karabajak 66 ýaşynda ýogaldy.
Bursada täze görnüş koronawirus sebäpli ýogalan Karabajak, 1954-nji ýylda Erzurymyň Ýakutiýe etrabynda dünýä inýär.
Erzurumda göreşmäge başlan Karabajak soň işlemek üçin İzmire gidýär.
Reşit Karabajak 1973-nji ýylda İzmir Tekel sport toparynda göreşmäge başlaýar.
Soň Bursa Tofaş SAS göreş toparynda göreşmäge başlan Reşit Karabajak, gazanan üstünlikleri bilen ünsleri özüne çekýär.
Karabajak 1973-nji ýylda Ýuwaslawiýada 68 kilogram agyrlykda erkin göreş boýunça geçirlen Balkan çempionadynda 5-nji bolýar.
Göreş bäsleşiklerinde gazanan üstünlikleri we adamkärçiligi sebäpli “altyn adam” hökmünde tanalmaga başlan Reşit Karabajak, 1974-nji ýylda Ankarada geçirlen Balkan çempionadynda erkin göreş boýunça 74 kilogram agyrlykda çempion bolýar.
1983-nji ýylda Marokkoda geçirlen Ortaýer deňizi oýunlarynda 74 kilogram agyrlykda çempion bolan Reşit Karabajak, şol ýyl 82 kilogram agyrlykda Wengriýada hem Ýewropanyň çempiony bolýar.
Karabajak 1987-nji ýylda Siriýada geçirlen Ortaýer deňizi oýunlarynda erkin göreş boýunça 90 kilogram agyrlykda çempion bolýar.
Türkiýäniň milli ýygyndysynyň türgenleşdirijisi Reşit Karabajak, Bursada koronawirus sebäpli 66 ýaşynda ýogalýar.