Hulusi Akar TRT World kanalyna beýanat berdi
Türkiýäniň Goranmak ministri Hulusi Akar Siriýada Ýewfrat derýasynyň gündogarynda emele getirilmek islenýän howpsyz zolakda, ekstremist terror guramasy ÝPG/PKK-nyň bolmaly däldigini belledi
Hulusi Akar, Mýunhen Howpsyzlyk konferensiýasyna gatnaşanyndan soň, TRT World kanalyna beýanat berdi.
Ýewfrat derýasynyň gündogarynda emele getirilmek islenýän howpsyz zolakda, ekstremist terror guramasy ÝPG/PKK-nyň bolmaly däldigini aýdan Akar: “Esasy zat serhetlerimiziň, halkymyzyň howpsyzlygyny üpjün etmek” diýip belledi.
Hiç bir ýurdyň serhetlerinde terrorçylary islemeýändigini aýdan Türkiýäniň Goranmak ministri, Türkiýäniň ýeketäk maksadynyň sebiti ÝPG/PKK, DAIŞ ýaly terror guramalaryndan saplamakdygyny nygtady.
Terror guramasy ÝPG/PKK-nyň asuda ilata garşy wagşyçylykly hereketlerinede ünsi çeken Hulusi Akar: “Arap we kürt doganlarymyzy goldamaga dowam ederis” diýip belledi.
Akar, Türkiýe-NATO gatnaşyklary bilen bagly soraga bolsa: “Biz NATO agza bir ýurtdyrys. Jogapkärçiliklerimizi ozalkylar ýaly ýerine ýetirýäris. Hiç hili üýtgeşme ýok” diýip jogap berdi.
Degişli Habarlar
Prezident Erdogan, Gollandiýanyň Premýer-ministrini Kabul Etdi
Wahdettin köşgünde bolan kabul edilşik metbugata ýapyk häsiýetinde geçirildi.
TRT Ispan Digital Habar Platformasy Düşümli Bolsun
TRT Ispan digital habar platformasy dabaraly ýagdaýda açyldy.