“Siriýa kürtleriniň terror guramasy PKK ýaran hökmünde görülmegine garşy durýarys”

Altun Twitter hasabyndan beren habarnamasynda siriýaly kürtleriň terror guramasy PKK-nyň ýarany hökmünde görülmeginiň ýerliksizdigini we günbatar ýurtlarynyň raýatlaryna Siriýa meselesinde ýalan sözleýändigini beýan etdi.

Fahrettin Altun: “Siriýa kürtleriniň terror guramasy PKK ýarandygy hakyndaky ýalňyş garaýyşlara garşy durýarys. Esasan sünni araplardan emele gelýän Siriýanyň demirgazyk gündogaryny basyp alan terrorçylar Marksist-Leninist ideologiýalaryny halka kabul etdirmäge synanşdy we garşy duranlaryň ählisini sürgün etdi ýa-da öldürdi” diýip ýazdy.

Altun günbatar ýurtlarynyň hökümetleriniň raýatlaryna Siriýa meselesinde ýalan sözleýändigini beýan edip: “PKK metbugat azatlygyna we oppozisiýa rugsat berilmeýän, basyş we gynamalar bilen esaslandyrylan “bir partiýaly döwletjigini” gurdy. Yzyna dolanyp barsalar PKK-nyň öldürmeginden gorkýan ýüzlerçe müň siriýaly kürt henizem Türkiýede ýaşaýar” diýdi.