Turkiyadan 91 davlatga mayda qizil qalampir eksport qilindi
Joriy yilda 91 davlatga amalga oshirilgan eksportdan jami 3 mln 943 ming dollarlik daromad qo’lga kiritildi.
Turkiyada ishlab chiqarilgan mayda qizil qalampir 91 davlatga eksport qilindi.
Janubi sharqiy Anadolu eksportchilar uyushmasi ma’lum qilishicha, 2018 yili Turkiyadan 5 mln 899 ming dollarlik mayda qizil qalampir eksport qilingan.
2019 yilning yanvar-sentyabr davrida esa, Saudiya Arabistoni, Germaniya, Birlashgan Qirollik, Italiya, Amerika Qo’shma Shtatlari, Gollandiya, Ekvatorial Gvineya, Tayvand, Ukraina, Norvegiya, Quvayt, Gretsiya, Efiopiya, Kostarika va boshqa jami 91 davlatga amalga oshirilgan eksportdan jami 3 mln 943 ming dollarlik daromad qo’lga kiritildi.
Mayda qizil qalampir eksport qilingan davlatlar ro’yxatida Saudiya Arabistoni birinchi o’rinda turadi. Joriy yilda Saudiya Arabistoniga 354 ming tonna qizil qalampir eksport qilindi.
Shuningdek, Germaniyaga 323 ming tonna, Birlashgan Qirollikka 142 ming tonna mahsulot eksport qilindi.
Aloqador xabarlar
Turkiyaning mebel eksportida o‘sish kuzatildi
Taklaji: Mebel eksporti bo‘yicha Xitoy dunyoda yetakchi, Turkiya esa 9 - o‘rinda.
