Qozog‘iston konstitutsiyasiga o‘zgartirish kiritish yuzasidan referendum

Qozog‘iston konstitutsiyasiga o‘zgartirish kiritishni referendumda saylovchilarning 77,18 foizi qo‘llab-quvvatladi.

06 Haziran 2022 13:06

Qozog‘iston Markaziy saylov komissiyasi referendumning dastlabki natijalarini e’lon qildi.

Unga ko‘ra, "Respublika referendumiga qo‘yilgan masalani ijobiy hal etish uchun saylovchilarning 77,18 foizi ovoz berdi. Bu 6 million 163 ming 863 nafarni tashkil etadi".

Avvalroq, Qozog‘iston prezidenti Qosim-Jo’mart To’qayev hukumat konstitutsiyaga o‘zgartirishlar kiritishni referendumga qo‘yilishini e’lon qilgan edi.

Qozog‘iston Konstitutsiyasining 98 ta moddasidan 33 tasiga jami 56 ta o‘zgartirish va qo‘shimchalar kiritilmoqda.

Konstitutsiyaga kiritilgan oʻzgartirishlar prezidentlik boshqaruv shaklidan nufuzli parlament va hukumatga ega boʻlgan prezidentlik respublikasiga toʻliq oʻtishni nazarda tutadi.

Konstitutsiyaviy islohot hokimiyatlar mutanosibligini mustahkamlash va kengashning subyektivligini oshirishga qaratilgan.

Shuningdek, prezidentlik davrida siyosiy partiyalarga a’zo bo‘lish taqiqlanadi.

O‘zgartirishlar prezidentning yaqin qarindoshlarining davlat boshqaruvidagi yuqori lavozimlarda ishlashini ham taqiqlaydi.

Ayrim tuzatishlar fuqarolarning huquq va erkinliklarini himoya qilishga, jumladan, konstitutsiyaviy sudni tashkil etishga, Ombudsman maqomini konstitutsiyaviy darajada mustahkamlashga qaratilgan.

Qayta ko‘rib chiqilgan konstitutsiyada mamlakatning birinchi prezidentining maqomi, vakolatlari va imtiyozlari haqidagi havolalar ham bekor qilindi.

Qozog‘istonda 1995-yilda tugatilgan Konstitutsiyaviy sud qayta tiklanadi.

Majlisning bir qismi bir mandatli saylov okruglaridan saylanadi.

Mamlakatda o'lim jazosi ham taqiqlanadi.