30 Nisan 2022 15:09
Қазақстан Республикасының Премьер-министрі Әлихан Смайылов және Қырғыз Республикасы Министрлер Кабинетінің төрағасы Ақылбек Жапаров Бішкек қаласында өткен қазақ-қырғыз үкіметаралық кеңесінің 10-шы отырысының жұмысына қатысты.
Кеңес барысында сауда-экономикалық және су-энергетикалық сала, ауыл шаруашылығы және қоршаған ортаны қорғау саласындағы ынтымақтастық мәселелері қаралды.
Ақылбек Жапаров екі ел арасындағы сауда-экономикалық қатынастардың оң динамикасын атап өтті.
Қырғызстанның Министрлер кабинетінің басшысы алдағы уақытта Қасым-Жомарт Тоқаевтың Қырғыз Республикасына ресми сапары күтіліп отырғанын және үкіметаралық кеңестің 10-шы отырысы елдер арасындағы барлық бағыттар бойынша ынтымақтастықты дамытуға елеулі үлес қосатынын мәлімдеді.
Қазақстан Республикасының Премьер-Министрі Смайылов екіжақты тауар айналымын 1 млрд АҚШ долларына дейін жеткізу жөніндегі мақсатка қол жеткізілгенін атап өтті.
Отырыс қорытындысы бойынша тиісті хаттамаға қол қойылды.