Ертең "Анталия дипломатиялық форумы" өтеді

Украинаның Сыртқы істер министрі Дмитрий Кулеба мен Ресей Федерациясының Сыртқы істер министрі Сергей Лавров ертең Анталияда өтетін дипломатиялық форум аясында кездеседі. Бұл Ресейдің қарулы шабуылы басталғаннан бері тараптардың ең жоғары деңгейдегі алғашқы кездесуі болады.

09 Mart 2022 19:17

Түркияның дипломатиялық күш-жігері ақталды, Украинаның Сыртқы істер министрі Дмитрий Кулеба мен Ресей Федерациясының Сыртқы істер министрі Сергей Лавров ертең Анталияда кездеседі. Кездесудің мақсаттарының бірі - қақтығыстарды тоқтату және атысты тоқтату режимін үнемі орнатуды қамтамасыз ету. Бұл оқиға үлкен бетбұрыс болады деп күтілуде.

Дмитрий Кулеба мен Сергей Лавров арасындағы кездесу Түркияның Сыртқы істер министрі Мәуліт Чавушоғлуның іс-әрекеттері нәтижесінде өтеді. Бұған дейін Чавушоғлу 11-13 наурызда өтетін Анталия форумында тараптардың кездесулерін өткізгісі келетінін айтқан болатын.

8-Ыстанбұл делдалдық конференциясы

Анталия қаласында "Ыстанбұл делдалдық конференциясы" өтеді. Биыл 8-ші кездесуге 200 маман, оның ішінде көшбасшылар, саясаткерлер, дипломаттар, сарапшылар, ғалымдар мен студенттер қатысады деп күтілуде.

Анталия дипломатиялық форумы 

Анталия дипломатиялық форумы ағымдағы жылдың 11-13 наурыз аралығында ұйымдастырылады. Форум барысында саясаткерлер, жетекші ғалымдар, ойшылдар, көшбасшылар, дипломаттар мен кәсіпкерлер жаһандық және өңірлік мәселелерді талқылайды.

Форум жұмысына өңір мен әлемнің болашағы туралы жаңа идеялар мен үрдістерді қалыптастыру үшін қолайлы платформаны ұсына отырып, проблемаларды реттеу жолдарын іздейтін бірқатар елдердің мемлекет және үкімет басшылары, министрлер, халықаралық платформалардың көшбасшылары қатысады деп күтілуде. Сондай-ақ, Анталияға НАТО мен ЕО өкілдері келеді. Олардың қатарында Йенс Столтенберг, Еуропалық Парламенттің Бас Хатшысы Мария Бурич, Еуропалық Парламенттің Түркия бойынша баяндамашысы Начо Санчес Амор, ЕО-ның Сыртқы істер және қауіпсіздік саясаты жөніндегі Жоғарғы өкілі Жозеп Боррел, Біріккен Ұлттар Ұйымының өркениеттер Альянсының жоғарғы өкілі Мигель Анхель және БҰҰ-ның Сомали бойынша арнайы өкілі Джеймс Свон бар.

Сондай-ақ, Косово Президенті Вmjcf Османи, Венесуэланың Сыртқы істер министрі Феликс Пласенсия және Босния мен Герцеговинаның өкілдері келеді деп күтілуде.

Форум жұмысына Швецияның Сыртқы істер министрі Анн Линда, Финляндияның Сыртқы істер министрі Пекка Хаависто, Словакияның Сыртқы істер министрі Иван Корчок, Люксембургтің Сыртқы істер министрі Жан Ассельборн және Латвияның Қорғаныс министрі Артис Пабрикс қатысады.

Сондай-ақ, Әзербайжанның Сыртқы істер министрі Джейхун Байрамов, Арменияның сыртқы істер министрі Арарат Мирзоян, Палестинаның Сыртқы істер министрі Рияд әл-Малики және Ауғанстан Уақытша Үкіметінің сыртқы істер министрінің орынбасары Эмирхан Муттаки деп күтілуде.

Анталия дипломатиялық форумы Түркия президенті Режеп Тайип Ердоған мен Сыртқы істер министрі Мәуліт Чавушоғлудың үндеуінен басталады.

Форум барысында "Бейбітшілік бағасы немесе соғыс құны", "қиын дәуірдегі көшбасшылық және дипломатия", "бейбітшілік пен өркендеудің аймақтық және жаһандық жолдары" тақырыптарында сессиялар ұйымдастырылады.