Әлемдік биржаларда мұнай мен табиғи газ қымбаттап келеді

Ресей-Украина соғысына байланысты әлемдік биржаларда мұнай мен табиғи газдың бағасы көтерілді.

02 Mart 2022 16:06

Әлемдік биржаларда табиғи газ қымбаттады. Нидерландыда орналасқан TTF фьючерстерінде табиғи газдың бағасы мегаватт сағатына 129 еуро, ал сағат 10:43-те 138 еуроға жетті. Бұл көрсеткіш 14 пайызға көтерілді.

Бағаның өсуі Ресей мен Украина арасындағы соғысқа байланысты. Мысалы, соғыстың салдарынан газ жеткізу қысқаруы мүмкін деген қорқыныш бар. Сонымен қатар, Ресей Украинаға бомба мен зымыран шабуылдарын жасады, нәтижесінде табиғи газ инфрақұрылымы құлады. Осы жағдайға байланысты газ ағыны бұзылуы мүмкін деп болжанады. Мұнай мен табиғи газды жеткізетін компаниялар, егер соғыс жалғаса берсе, санкцияларға ұшырауы мүмкін. 

Айта кетейік, өткен аптада Германия билігі Ресейден көгілдір жарықтың өтуі үшін салынған  "Солтүстік ағын-2" газ құбырының жобасын сертификаттау шараларын уақытша тоқтатты. Көп ұзамай АҚШ "Солтүстік ағын-2" компаниясына санкциялар салу туралы шешімін жариялады.  

Мұнай бағасы рекордтық деңгейге жетті

Ресейдің Украинаға қарсы бастаған соғыстың шиеленісуімен мұнай бағасы 2014 жылдың шілдесінен бастап қарағанда ең жоғары деңгейге жетті.

Брент үлгісі бойынша мұнай бағасы кеше 104,97 долларға дейін өсті, ал бүгін 7,12 долларға көтеріліп, бағасы 112,4 долларды құрады.

АҚШ пен Еуропа елдерінің Ресейге қарсы экономикалық санкцияларынан кейін Equinor және Shell компаниялары Ресейдегі инвестицияларынан бас тартты. Францияның TotalEnergies энергетикалық компаниясы Ресейдегі жаңа жобаларға капиталды бағыттамайтынын мәлімдеді.  Американдық  ExxonMobil энергетикалық компания Ресейдегі "Сахалин-1" мұнай және табиғи газ кен орнында жұмысын тоқтататынын хабарлады.