Сұлтан Раев ТҮРКІСОЙ Бас хатшысы лауазымын ресми түрде қабылдады

ТҮРКІСОЙ Бас хатшысы Дүйсен Қасейінов өз лауазымын Сұлтан Раевқа тапсырды.

12 Nisan 2022 16:48

Түркітілдес халықтардың халықаралық мәдениет ұйымының Бас Хатшылығында Сұлтан Раевқа ТҮРКІСОЙ Бас хатшысы лауазымын ресми тапсыру рәсімі өтті. Іс-шараға Түркия Республикасының Сыртқы істер министрі Мәуліт Чавушоғлу, сондай-ақ Мәдениет және туризм министрі Мехмет Нұри Ерсой қатысты.

Түркияның Сыртқы істер министрі Чавушоғлу тілші, белгілі мәдениет қайраткері, министр және халықаралық мемлекеттік қызметші болып қызмет атқарған Сұлтан Раев ТҮРКІСОЙ-дың дамуына үлкен үлес қосатынына сенім білдірді. Сонымен қатар министр 2008 жылдан бері бас хатшы міндетін табысты атқарып келе жатқан Дүйсен Қасейіновқа алғыс айтып, оның түркі әлеміне қызметі аяқталмайтынын атап өтті. "Мен Қасейіновтың түркі әлеміне қызмет етуді жалғастыратынына күмәнім жоқ," - деді ол.

Мәдениет және туризм министрі Мехмет Нұри Ерсой түркітілдес халықтардың бірлігіне баса назар аударды. 

"Ұйым ішіндегі мемлекеттердің бірлігі мен ынтымақтастығы өте құнды. Мәдени іс-шаралар бізді ұлы істерге шабыттандырады. Ең бастысы - түркі мәдениетін болашақ ұрпаққа жеткізу," - деді ол.

Ерсой Сұлтан Раевқа маңызды міндет жүктелгенін атап өтіп, оның бұл міндетті лайықты орындап, ұйымның қызметін одан әрі арттыра түсетініне сенімін білдірді.