Шанхай Ынтымақтастық Ұйымының спорт министрлері Өзбекстанда жиналды

Шанхай Ынтымақтастық Ұйымының (ШЫҰ) спорт министрлерінің кездесуі Өзбекстанның астанасы Ташкентте өтті.

20 Mayıs 2022 15:55

Өзбекстанның Спорттың дамуы Адхам Икрамовтың төрағалығымен өткен отырысқа Қазақстан, Ресей, Қытай, Қырғызстан, Тәжікстан, Пәкістан және Үндістанның спорт министрлері мен топ-менеджерлері қатысты.

Кездесудің ашылуында сөз сөйлеген ШЫҰ Бас хатшысы Чан Мин спорт елдер арасындағы ынтымақтастықты дамытуда және елдерді ілгерілетуде маңызды рөл атқаратынын атап өтті. 

Миннің айтуынша, ұйымға мүше елдер арасында түрлі спорттық іс-шаралар өткізу және осы елдерге тән дәстүрлі спорттық ойындар әзірлеу қажет.

Кездесуде спорттық құрал-жабдықтар мен киім-кешек өндірісі бойынша бірлескен жобаларды ұйымдастыру және ұйымға мүше елдерде спортты дамытудағы ынтымақтастық мәселелері талқыланды. Сондай-ақ Өзбекстанда 2025 жылы Азия жастар ойындары өтетін Олимпиада ауылының презентациясы өтті.

Кездесу барысында Шанхай Ынтымақтастық Ұйымына мүше елдердің үкіметтері арасында спорт саласындағы ынтымақтастықты дамыту жөніндегі министрлердің 2022-2024 жылдарға арналған іс-қимыл жоспары келісілді.

ШЫҰ-ға мүше елдердің Спорт министрлерінің келесі кездесуі Үндістанда өткізілмек.