Түркия Президентінің орынбасары Нұр-Сұлтанда өткен Қазақстан-Түркия іс форумында сөз сөйледі
Түркия Президентінің орынбасары Нұр-Сұлтанда өткен Қазақстан-Түркия іс форумына қатысты.
05 Mart 2022 12:14
Түркия Республикасы Президентінің орыньасары Фуат Октайдың Нұр-Сұлтан қаласына жұмыс сапары аясында Қазақстан-Түркия іс форумы өтті.
Форумға екі елдің мемлекеттік органдары мен кәсіпкерлер секторының 250-ден астам өкілі қатысты.
Қазақстан Республикасы Премьер-министрі Түркия Қазақстанның маңызды сауда-экономикалық және инвестициялық серіктестерінің бірі болып табылатынын атап өтті. Сондай-ақ Смайылов 2021 жылы Қазақстаннан Түркияға экспорт 39%-ға өсіп, шамамен $3 млрд-қа жеткенін, 2021 жылы Түркиядан Қазақстанға импорт 20,5%-ға артып, $1,1 млрд құрағанына баса назар аударды.
«Қазіргі жағдайда еліміздің транзиттік әлеуетін іске асыру үшін Қазақстан, Әзербайжан, Грузия, Түркия аумақтары арқылы Еуропа елдеріне өтетін Транскаспий халықаралық көлік бағыты үлкен мүмкіндіктер береді. Осы тұрғыда Ақтау және Құрық теңіз порттарын одан әрі Баку-Тбилиси-Карс теміржол желісі арқылы жүктерді жөнелту бойынша белсенді пайдалануды ұсынамыз», — деді Ә. Смайылов.
Өз кезегінде Түркия Президентінің орынбасары Оқтай, "Смайылов мырзамен бірге түрік-қазақ сауда қатынастарын одан әрі дамытуды, сондай-ақ үкіметтер деңгейінде қабылданған қадамдарды, бизнес-қоғамдастық арасындағы ынтымақтастықты мұқият қадағалаймыз және қолдаймыз. Қазақстан Президентіне түрік кәсіпкерлеріне қаңтар оқиғаларынан кейін қолдау көрсетілгені үшін алғысымды білдіреміз. Біз Түркия мен Қазақстан арасындағы қарым-қатынастардың бауырлас екі елдің рухына сәйкес келетін деңгейге шығуы үшін барлық қадамдарды іске асыруға дайынбыз. Осы бағыттағы бірлескен күш-жігерімізді жалғастыруғаниеттіміз." - деді.
Түркия Президентінің орынбасары түрік компанияларының Қазақстанның көптеген жаңа салаларына белсенді қатысуға дайындығын білдірді.
"Біз көптеген салаларда кездесетін жалпы проблемаларды, соның ішінде транзиттік құжаттар, жүк бағасының жоғары болуы, салық айыппұлдары және іскер адамдарымыз кездестіретін ұзақ мерзімді бюрократиялық операцияларды білеміз. Әрқайсыңыздың талаптарыңыз шешім бойынша ұсыныстармен бірге баяндалған. Біздің делегацияларымыздың консультацияларының қорытындылары бойынша біз Қазақстан мен Түркия арасында іске асырылған транзиттік құжаттардың санын 20 мыңға дейін ұлғайтуға, сондай-ақ екіжақты транзиттік құжаттардың қолданылу мерзімін 1 айдан 2 айға дейін ұзартуға уағдаластық." - деді Оқтай.
Біз автоматтандырылған цифрлық көлік практикасына ерекше мән бере отырып, транс-Каспий дәлізі бойынша өткелдерді одан да тиімді етуге және кеден арқылы транзитті жеделдетуге уағдаластық. Сондай-ақ, біз қазіргі уақытта аптасына 24 рет ұшатын рейстер санын көбейту үшін шаралар қабылдауға шешім қабылдадық. Біздің мақсатымыз-ең алдымен іскер адамдарымыздың икемділігі мен бәсекеге қабілеттілігін арттыру. Мен Қазақстан Үкіметі кедендік процестерден бастап бюрократияны қысқартуға дейін бизнесті жүргізуді жеңілдету үшін қолдан келгеннің бәрін жасайды деп санаймын," - деп түйіндеді Оқтай.
Айта кетейік, Қазақстанның бас қаласына келген Оқтайды ҚР Өнеркәсіп және инфрақұрылымды дамыту министрі Қайырбек Өскенбаев, ҚР Түркиядағы өкілетті елшісі Абзал Сапарбекұлы және Түркияның Қазақстандағы өкілетті елшісі Уфук Экиджи қарсы алды.
Фуат Оқтай мен бірге Түркияның Ұлы Ұлттық Мәжілісінің Қазақстан парламенттік тобының төрағасы Мехмет Али Жевхери, елдің Мәдениет және туризм министрінің орынбасары Сердар Чам, Энергетика және табиғи ресурстар министрінің орынбасары Шереф Калайджы, Ауыл және орман шаруашылығы министрінің орынбасары Фатих Метин, Сауда министрінің орынбасары Сезай Учармак, Көлік және инфрақұрылым министрінің орынбасары Селим Дурсун және Түркия кәсіпкерлерінің жеке қауымдастығының (MÜSİAD) басшысы Махмут Асмалы келді.
Қазақстан Президенті Қасым-Жомарт Тоқаевтың Оқтайды қабылдауы күтілуде.
Сонымен қатар Оқтайдың Түркістан қаласындағы Қожа Ахмет Яссауи атындағы Халықаралық қазақ-түрік университетінің студенттерімен кездесуі жоспарлануда. Түркия президентінің орынбасары бұл жерде "түрік-қазақ қатынастарының экономикалық және саяси дамуы" атты конференцияда сөз сөйлейді.