Қырғызстанның әйгілі режиссеры: Төлөмүш Океев

Төлөмүш Океев қырғыз киносының талантты режиссері, сондай-ақ Қырғызстанның шетелдегі көрнекті мемлекет қайраткері.

04 Mart 2022 17:20

Океев 1935 жылы 11 қыркүйекте Қырғызстанның Бөкөнбаев ауылында дүниеге келген.

Ыстық көлдің ерекше табиғатының арасында өскен Океев қойшы ретінде жұмыс істеді.

Қойшы кезінде ол табиғат пен жануарларға ерекше қызығушылық танытты. 

Океевтің ата-анасы болашақтағы режиссер баласын Бішкекке оқуға жіберді. Бішкектегі орта мектепті бітіргеннен кейін Океев Санкт-Петербург қаласындағы режиссура оқу орнына түсті.

Содан кейін Океев қырғыз киностудиясында дыбыс режиссері болып жұмыс істей бастады.

1965 жылы Океев Мәскеу жоғары режиссерлік институтына түсті.

1966 жылы Океев "Балалық шақтың аспаны" атты алғашқы көркем фильмін түсірді. Дәстүрлі қойшы отбасының өмірі туралы баяндайтын фильм Италияда "Алтын бұтақ" сыйлығына ие болды. Осылайша Океев халықаралық деңгейдегі алғашқы үлкен жетістігіне ұласты.

Режиссер әр фильмде міндетті түрде жануар мен бала кейіпкерлеріне орын берген. "Көк-Серек" атты фильмі Сан-Францискодағы фестивальде көрсетілді.

Қырғыз киносының ең талантты режиссері ретінде танылған Океев 1984 жылы түсірген "Қар барысының шежіресі" фильмінің арқасында ең үлкен марапатына қол жеткізді. "Қар барысының шежіресі" - 1985 жылы Германияда өткен 35 "Алтын аю" атты кинофестивальде екінші орынға ие болды.

Океев маңызды мемлекеттік қызметтерді атқарды. 1990-1993 жылдары депутат ретінде жұмыс істеді.

1993 жылы Қырғызстанның Анкарадағы елшісі болып тағайындалды. 1998 жылға дейін елші қызметін атқарды. Кейін Қырғызстанның ТҮРКІСОЙ ұйымындағы өкілі болды.

Океев 2001 жылдың 18 желтоқсанында Анкарада дүниеден озды.