Қырғызстанның жетекші курорттық қаласы: Чолпон-Ата
Ыстықкөлдің жағалауында орналасқан Чолпон-Ата қаласы тарихы, мәдениеті мен туристік жерлерімен туристердің назарын аударуда.
30 Ocak 2022 19:29
Чолпон-Ата - Ыстықкөл облысының курорт-қаласы, Ыстықкөл ауданының әкімшілік орталығы. Ыстықкөл көлінің солтүстік жағалауында орналасқан. Чолпон-Ата Бішкек қаласынан 240 км, Қаракөл қаласынан 135 км жерде орналасқан.
Қалада бірқатар қонақ үйлер мен санаторийлер орналасқан.
Чолпан-Ата петроглифтер мұражайы
Музейдің қорғау аймағында қырғыздардың баға жетпес мәдени мұрасы сақталған. Олардың ішінде жартастағы суреттер, яғни петроглифтер ерекше қызығушылық тудырады.
Петроглифтерде бұқа, ит, жолбарыс, қабан, садақшылар, қоян, түйе, жыртқыш аңдар, асыл тұқымды таңбалар, маңдайында ою-өрнегі бар ешкілер, бұғы суреттері бейнеленген.
"Шыңғыс Айтматов Рух Ордо" аспан астындағы мұражай
Қырғызстанның Чолпон-Ата қаласындағы Шыңғыс Айтматов атындағы "Рух Ордо" мұражайы туристерге ерекше атмосфера сыйлайды.
Қырғыз маржаны "Рух Ордо" мұражайы Ыстықкөл көлінің жағасында ашық аспан астындағы ерекше кешен.
"Рух Ордо" мұражайы қырғыз халқының мәдениеті мен дәстүрлері туралы кең ақпаратты қамтиды.
Мұражай 2002 жылы құрылды және 2007 жылдан бастап қызмет көрсете бастады. 2008 жылы мұражайға көрнекті жазушы Шыңғыс Айтматовтың есімі берілді.
Ашық аспан астындағы мұражайда бірқатар ресми іс-шаралар, концерттер мен халықаралық фестивальдер өтеді.