Әзірбайжанда Түркі кеңесіне мүше елдердің ақпарат министрлерінің кезекті отырысы өтуде

Қазақстан, Түркия, Әзірбайжан, Қырғызстан, Өзбекстан және Мажарстан өкілдері Әзірбайжан Республикасының Баку қаласында өтіп жатқан Түркітілдес мемлекеттердің ақпарат министрлерінің 3-ші отырысына қатысуда.

10 Nisan 2021 19:34

Отырыс барысында түрік делегациясының басшысы ретінде Фахреттин Алтун қызмет атқаруда.

Делегация құрамында Түркия Республикасының Әзірбайжандағы Елшісі Еркан Озорал және Анадолу агенттігінің бас директоры Сердар Қарагөз орын алуда деп хабарланды.

Отырысқа Қазақстан Республикасы Ақпарат және әлеуметтік даму министрінің орынбасары Асхат Оралов, Қырғыз Республикасының Мәдениет, ақпарат, спорт және жастар саясаты министрі Қайрат Иманалиев, Өзбекстан Республикасы Президентінің Ақпарат және байланыс агенттігінің басшысы Асаджон Ходжаев және Мажарстанның қауіпсіздік саясаты жөніндегі мемлекеттік хатшысы Питер Сзтарай қатысып, сөз алады деп күтілуде.

Отырыста Түркітілдес мемлекеттердің ынтымақтастық кеңесіне мүше мемлекеттердің Ақпарат және медиа саласындағы ынтымақтастығын дамыту жөніндегі іс-шаралар жоспарына толықтырулар мен өзгерістер енгізу туралы мәселе қаралады деп мәлімденді.

Сонымен қатар, отырыста мәдени, тарихи, спорттық іс-шараларды танымал ету, тарихи және мәдени көркем фильмдер, телехикаялар мен деректі фильмдер шығару, халықаралық жаңалықтар арнасын құру және медиа құрылымдар арасындағы ынтымақтастықты кеңейту мақсатында түркітілдес елдер арасында ақпарат алмасуды кеңейту мәселелері талқыланады.