31-мартта Түрк тилдүү мамлекеттердин кызматташтык кеңешинин бейрасмий саммити өтөт

Түрк Кеңешинин бейрасмий саммити коронавирустун жаңы түрү (Ковид-19) жайылып жаткандыгына байланыштуу онлайн форматта өтө турган болду.

23 Mart 2021 13:46

Түрк Кеңеши тараткан маалыматка караганда саммитке Казакстандын биринчи президенти Нурсултан Назарбаев жана кеңешке мүчө бардык өлкөлөрдүн башчыларынын катышуусу күтүлүүдө.

Буга чейин саммит 31-мартта Казакстандын Түркстан шаарында өтөөрү айтылган.

Түрк тилдүү мамлекеттердин кызматташтык кеңеши 2009-жылы октябрда түзүлгөн. Эл аралык уюмга Азербайжан, Казакстан, Кыргызстан, Түркия жана Өзбекстан мүчө. Венгрия кеңештин ишине байкоочу катары катышат.

Anahtar Kelimeler: Түрк Кеңеши, саммит, Азербайжан, Казакстан, Кыргызстан, Түркия, Өзбекстан,