Ичери-Шехер – Бакудагы тарыхый тамыры терең  калаа

Ичери-Шехер  заманбап бийик имараттарга жанаша жайгашып, чар тарабы тарыхый чеп менен курчалган. Тарыхый калаа Азербайжандын маданий казынасы болуп саналат.

05 Haziran 2021 01:15

Шаардын чок ортосунда жайгашкан тарыхый Ичери-Шехер бүгүнкү күндө  Бакунун маданий борбору болуп саналат. Ичери-Шехер Каспий деңизинин жээгинде жайгашып, 22 гектар аянтка салынган. Жергиликтүү тургундар  Ичери-Шехерди Бакунун бермети деп аташат. Эл оозунда «Эски Баку» деп да аталып жүрөт.

Кыз мунарасы жана Ширваншахтардын сарайы сыяктуу көптөгөн тарыхый эстеликтер Ичери-Шехерде орун алган.

Ичери-Шехердин тарыхы палеолит доорунан башталат. Шаарда бир катар маданияттардын изин кездештирүүгө болот.

Шаардын чар тарабы тарыхый чеп менен курчалган. XII кылымда салынган чептин бийиктиги 27 метр. Анын 5 дарбазасы бар.

Ичери-Шехердин таштак көчөлөрү тар келип, кудум лабирентти элестетет. Ал эми иматтар кооздугу, уникалдуулугу  менен айырмаланат.

Ичери-Шехер бүгүнкү күндө жергиликтүү жана чет элдик туристер көп барган тарыхый аймактардын бири. Сувенирдик дүкөндөрдүн көпчүлүгү ушул жерде жайгашкан.

Ичери-Шехер, анын ичиндеги Кыз мунарасы жана Ширваншахтардын сарайы ЮНЕСКОнун Дүйнөлүк мурастар тизмесине киргизилген.

Anahtar Kelimeler: Ичери-Шехер, Баку, Азербайжан,