Ислам динин жайылтууда негизги ролду ойногон байыркы Отрар шаары

Байыркы Отрар шаары  Казакстандын түштүгүндөгү Түрксан шаарынан 57 чакырым алыс жайгашкан.

29 Mayıs 2021 12:37

Абу Наср ал-Фараби ат-Түрки туулуп, Түрк императору Амир Тимур көз жумган байыркы Отрар шаарын Кул Кожо Ахмет Ясави «улуу аалымдардын шаары» деп атаган. Айткандай эле шаар билимдин шаары болгон. Дүйнөгө таанымал улуу аалымдар ушул аймактан чыгып, ал тургай алгачкы учуучу аппарат Отрарда өндүрүлгөн.

Байыркы шаар «сепил», «шехристан» жана «рабат» деп аталган 3 ири райондон турган. «Сепил» деп аталган район шаардын борбору болгон. «Шехристанда» интеллектуалдар, илимпоздор жашаган. Ал эми «Рабатты» усталар жана катардагы жарандар байырлаган.

Байыркы шаардын калдыктары бүгүнкү күнгө чейин сакталып калган. Анын аянты 200 гектарды түзөт.

Шаардын борборунда Хан мечитининин калдыктарын кездештирүүгө болот. Окумуштуулар Отрар шаары исламдын жайылышында негизги ролду ойногон деп эсептешет.

Археолог Серик Акылбектин айтымында шаардагы археологиялык алгачкы казуулар 1969-жылы башталган. 50 жыл ичинде шаардын «шехристан» деп аталган районунун гана баштапкы калыбы чыгарылган. Алдыда «сепил» жана «рабат» райондорун ачуу пландалууда.

Отрар шаары 1991-жылы ачык асман алдындагы археологиялык музейге айландырылып, мамлекеттин коргоосуна алынган.

Anahtar Kelimeler: Казакстан, Отрар, Байыркы шаар,