Кыргызстан: “Башкы” суу бөлүштүрүүчү жай модернизацияланат

Кыргыз Республикасынын президенти Садыр Жапаров “Башкы” суу бөлүштүрүүчү жайды жана аскердик полигонду модернизациялоону тапшырды.

07 Mayıs 2021 12:23

Кыргыз Республикасынын президенти Садыр Жапаров “Бужум” аскердик полигону менен Баткен облусунун кыргыз-тажик чек арасына жакын жердеги Ак-Суу дарыясында жайгашкан “Башкы” суу бөлүштүрүүчү жайга барды.

Мамлекет башчысы суу бөлүштүрүүчү жайды жана объектти кайтарган аскердик бөлүк турган аймакты көрүп чыкты.

Жыйынтыгында президент тийиштүү мамлекеттик органдарга суу бөлүштүрүүчү жайдын техникалык абалын модернизациялоону тапшырды.

Садыр Жапаров “Бужум” полигонундагы аскер кызматкерлеринин алдында сүйлөп жатып, мамлекет Куралдуу Күчтөрдүн алдындагы социалдык милдеттенмелеринин бардыгын аткара турганын жана күч түзүмдөрүнүн көйгөйлөрүн чечүүгө өлкө жетекчилиги тарабынан өзгөчө көңүл буруларын белгиледи.

Мамлекет башчысы Баткенге жасаган иш-сапары алкагында Лейлек районундагы Кулунду айылынын жана Баткен районундагы Орто-Боз айылынын тургундары менен жолугушту.

Кыргыз-тажик чек арасында болгон куралдуу жаңжалда 36 кыргызстандык курман болуп, 180ден ашууну жараат алды. 120 үй, мамлекетке караштуу 84 имарат, 27 май куйуучу жай жабыр тартты.

Дүйшөмбү бул жаңжалда 19 адам каза болуп, 88 киши жараат алганын расмий кабарлады.

Anahtar Kelimeler: Кыргызстан, “Башкы” суу бөлүштүрүүчү жай, Садыр Жапаров,