ТИКА Кыргызстандагы муктаж адамдарга азык-түлүк жардамын таратууда

Түрк кызматташтык жана координация агенттиги (ТИКА) «Эрендердин дасторкону» аталыштагы Рамазан программасынын алкагында Кыргызстандагы 3000 үй-бүлөгө жардам таратты.

28 Nisan 2021 22:29

Түрк кызматташтык жана координация агенттигинин Бишкектеги өкүлчүлүгү берекелүү Рамазан айында Кыргызстандагы муктаж жарандарга азык-түлүк жардамын таратууда. Аталган агенттик гуманитардык жардамды  Кыргызстандагы Кызыл жарым ай коомуна тапшырды.

Гуманитардык жардам курма, макарон, май, ун, күрүч, чай, шекер жана башка азык-түлүктөрдү, ошондой эле беткап жана антисептиктерди камтыйт.

ТИКАнын Бишкектеги координатору Осман Уста баса белгилгендей, 2021-жыл Түркияда президент Р.Т. Эрдогандын жарлыгы менен «Юнус Эмре жана түрк тилинин жылы», «Хажы Бекташ Вели жылы» жана «Ахи ​​Эвран жылы» деп жарыяланган. ТИКА жогоруда аты аталган тарыхый инсандардан илхом алып, «Эрендердин дасторкону» деген концепцияны тандап, ошонун негизинде жардамдарды таратууда.

Кыргызстандагы гуманитардык жардамды таратуу иш-чарасына Кызыл жарым ай коомунун вице-президенти Чыңгыз Жакыпов жана ТИКАнын Бишкектеги координатору Осман Уста катышты.

Гуманитардык жардам таркатылып жаткан аянтчада Юнус Эмренин:

«Келгиле тааныш бололу,

Ишти оңой кылалы,

Сүйөлү жана сүйүктүү бололу,

Бул дүйнө эч кимге калбайт»,-деген ыр саптары;

Ахи Эврандын: «Ахинин колу, эшиги жана дасторкону ачык болушу керек»; Хажы Бекташ Велинин «Бир бололу, ири бололу, тирүү бололу» деген сөздөрү жазылып турду.

Кыргызстандагы Кызыл жарым ай коомунун вице-президенти Чыңгыз Жакыповдун маалымдашынча гуманитардык жардам карыларга, көп балалуу үй-бүлөлөргө жана жесирлерге таратылды.

Anahtar Kelimeler: ТИКА, Кыргызстан, азык-түлүк жардамы,