24 Şubat 2021 16:52
Özbegistanyň wise-premýeri we syýahatçylygy ösdürmek boýunça döwlet komitetiniň başlygy Aziz Abduhakimow geçiren metbugat ýygnagynda dünýäde baş berýän kowid-19 ýokanç keseli sebäpli 2020-nji ýylda daşary ýurdan gelýän syýahatçylaryň sanynyň 2019-njy ýyl bilen deňeşdirilende ep-esli azalandygyny nygtap ýurda 2020-nji ýylda 1 million 504 müň syýahatçyň gelendigini habar berdi.
Abduhakimow şu ýyl ýurda 1,7 million daşary ýurtly syýahatçynyň gelmegine garaşylýandygyny we syýahatçylyk pudagyndan 370 million dollar girdeji gazanmagy meýilleşdirilendigini aýtdy.
Abduhakimow şeyle-de koronawirus epidemiýasy sebäpli daşary ýurtlardan gelýän syýahatçylaryň sanynyň ep-esli azalandygy üçin içerki syýahatçylygyň ösmegine uly ähmiýet berýändiklerini we bu çäkde geçen ýyl 1,8 million ýerli syýahatçylaryň sanyny. 7,5 milliona ýetirmegi maksat edinýändiklerini aýtdy.
2019-njy ýylda Özbegistana gelen syýahatçylaryň sany 26,2 göterim köpelip, 6,748 milliona ýetdi we syýahatçylyk girdejisi 1,3 milliard dollar boldy.