2022 Pekin gyşky Olimpiýa oýunlarynyñ başlamagyna 10 gün galdy

4-20-nji fewral aralygynda Hytaýda geçiriljek Gyşky Olimpiýa oýunlarynda takmynan 3000 türgen bäsleşer. Olimpiýa oýunlarynda 7 türgen Türkiýä wekilçilik eder.

25 Ocak 2022 16:52

Hytaýyñ paýtagty Pekinde geçiriljek 2022 Gyşky Olimpiýa oýunlarynyñ başlamagyna 10 gün galdy.

4-20-nji fewral aralygynda geçiriljek Gyşky Olimpiýa oýunlarynda takmynan 3000 türgen 15 ugurda bäsleşer.

Olimpiýa oýunlarynda 7 türgen Türkiýä wekilçilik eder. Lyžada typmak boýunça 6, buzda typmak boýunça 1 türk türgen Hytaýda bäsleşer.

Gyşky Olimpiýa oýunlaryna ýer eýeçiligi etmäge taýýarlanýan Pekinde koronaiwrusyñ “Omicron” we “Delta” görnüşine ýolugan adamlaryñ sanynyñ köpelmegi guramaçylary alada goýýar.

Ýapyk mekanlarda geçiriljek bäsleşikler üçin petek satylmajakdygy, tomaşaçy toparlaryñ çakylyk bilen bäsleşiklere getiriljekdigi mälim edildi.

Pekinde koronawirus epidemiýa garşy göreş çäginde Gyşky Olimpiýa oýunlarynyñ öñi syrasynda olimpiýa fakeli  2-nji, 3-nji we 4-nji fewralda olimpiýa oýunlarynyñ geçiriljek Pekin şäheriñ merkezi, ýançing etraby we goñşy Hybeý welaýatyñ Jangjakou şäherinde 11 nokatda elden ele göteriljekdigi mälim edildi.