28-29-njy martda Bursa şäherinde Türki dünýäsi diasporasy forumy geçiriler

Türki dilli döwletleriñ guramasynyñ 2-nji Diaspora forumy daşary ýurtlardaky türkler we garyndaş halklar edarasynyñ ýer eýeçiliginde Bursa şäherinde geçiriler. 28-29-njy martda geçiriljek foruma 12 döwletden 70 sany gatnaşyjy gatnaşar.

26 Mart 2022 21:39

Türki dünýäsi diasporasy forumy, 2022 Türki dünýäsiniñ medeniýet paýtagty Bursada geçiriler. Forum 28-29-njy martda geçiriler.

Forumda 12 döwletden 70 gatnaşyjy gatnaşar

Daşary ýurtlardaky türkler we garyndaş halklar edarasynyñ başlygy Abdullah Eren, foruma Türkiýe, Gazagystan, Azerbaýjan, Gyrgyzystan we Özbegistanyñ aralarynda bolan jemi 12 döwletden 70 gatnaşyjynyñ gatnaşjakdygyny habar berdi.

Daşary ýurtlardaky türkler we garyndaş halklar edarasynyñ ýer eýeçiliginde geçiriljek foruma Azerbaýjan, Gazagystan, Gyrgyzystan we Türkmenistanyñ diaspora ministr ýada başlyklary gatnaşar.

“Türki dünýäsiniñ diasporalary arasyndaky hyzmatdaşlyk mümkinçilikleri ara alynar”

Foruma türki dilli döwletleriñ guramasynyñ ýaşulylar geñeşiñ başlygy Binaly Ýyldyrym we Türki dilli döwletleriñ guramasynyñ baş sekretary Bagdat Amreýew hem gatnaşar.

Forumda takmynan 20 milliona ýeten türki dünýäsi diasporasynyň agzybirlik we jebisligini hasam pugtalandyrjak anyk gadamlar ara alnyp maslahatlaşylar. Rasizm we diskriminasiýa garşy göreşde hyzmatdaşlyk ara alynar.