ABŞ-daky Türk Jemgyýetçilik Guramalary Hojaly gyrgynçylygyny ýazgardy

ABŞ-daky Türk Jemgyýetçilik Guramalary, Hojaly gyrgynçylygynyň 29 ýyllygy mynasybetli hatyralama beýanaty çap etdiler..

26 Şubat 2021 09:41

Türk-Amerikan Dolandyryş Komiteti (TASC) tarapyndan çap edilen beýannamada Ermenistanyñ ýaragly güýçleriniñ 1992-nji ýylyň 26-njy fewralynda Azerbaýjanyň Hojaly şäherçesinde 63 sanysy çaga, 106 sanysy zenan, 70 sanysy garry jemi 613 adamy öldürmegi berk ýazgaryldy.

Beýannamada "Ermeni güýçleriniň eden zulumlary barasynda halkara jemgyýetçiligi habardar edilmeli we bu aýylganç söweş jenaýaty üçin adalat talap etmelidiris" -diýildi.

Türk Amerikan Assosiasiýalary Geňeşi (ATAA) tarapyndan çap edilen beýannamada, Ermeni güýçleriniň 1992-nji ýylda Hojalyda eden gyrgynçylygy ýazgaryldy. ABŞ we halkara jemgyýetçilige ermeni liderleriniñ bu jenaýatdan jogapkär tutulmagy üçin çagyryş berildi.

Hojaly Gyrgynçylygy

1992-nji ýylyň 25-nji fewralyndan başlap Hojaly şäherçesine  3 aýry ýerden hüjüme geçen Ermenistanyñ ýaragly güýçleri, SSSR-iň 366-njy motorlaşdyrylan harby bölümiň ähli ýaraglaryny ulanyp, şäherçä 2 sagadyň dowamynda toplar we taňklar bilen od açdy. Hüjümden 1 gün soň bolsa Hojaly gyrgynçylygy edildi.

Resmi maglumata görä, Hojaly gyrgynçylygynda goragsyz 106-sy zenan, 70-i garry, 63-i çaga bolmak bilen jemi 613 azerbaýjanly ýogaldy.

Gyrgynçylykdan 487 adam agyr ýaraly ýagdaýda halas boldy.

Ermenistanyň harby güýçleri tarapyndan zamun alynan 1275 adamyň 150-sinden şu güne çenli habar alyp bolmady.