Alihan Smailow Gazagystanyň Täze Premýer-Ministri Boldy

Alihan Smailow halk deputatlaryndan “kabul” sesini alyp ýurduň 12-nji hökümetiniň Premýer-ministri boldy.

11 Ocak 2022 15:05

Prezident Kasym ŽomartTokaýew, Gazagystanyň Mejlisinde eden çykyşynda Alihan Smailowy premýer-ministrligine hödürleýändigini aýtdy.

Alihan Smailow Mejlisde geçirlen sese goýulşykda ähli syýasy partiýalaryň halk deputatlary tarapyndan “kabul” sesini alyp ýurduň 12-nji hökümetiniň Premýer-ministri boldy.

Ozalky hökümetde Wise-premýer wezipesini ýerine ýetiren 50 ýaşyndaky Smailow, 5-nji ýanwada Premýer-ministri Askar Maminiň ýolbaşçylygyndaky hökümetiň ýurtda suwklandyrlan gazyň bahasynyň ýokarlandyrylmagy sebäpli başlan protest ýörişlerinden soň wezipesinden çekilipdi we wagtlaýyn hökümetiň başlyklygyny öz üstüne alypdy.

Smailow, sese goýulşykdan soň Premýer-ministr hökmünde eden ilkinji çykyşynda özüne ynam bildiren Prezident Tokaýewe we halk deputatlaryna sagbolsun aýtdy.

Ilkinji nobatda ýurtda makroykdysady durnuklylygy ýola goýjakdygyny we infilýatsiýany aşaklatjakdygyny nygtan Smailiow “Halkyň talaplary kanagatlandyrlar” diýdi.