Azerbaýjanyň Goranmak ministrligi harby türgenleşiginde “Baýraktar ýaragly uçarmansyz howa ulaglary” ulanylýar

Harby türgenleşige 10 müñ esger, 100 tank we sowutly ulag, 30 uçar we dikuçar bilen birlikde uçarmansyz howa ulaglary gatnaşýar.

16 Mart 2021 14:06

Azerbaýjanyň Goranmak ministrligi harby türgenleşigiň başlandygyny habar berdi.

Daglyk we tokaýlyk meýdanda geçirilýän türgenleşige  10 müñ esger, 100 tank we sowutly ulag 30 uçar we dikuçar bilen birlikde Türkiýeden satyn alynan ýaragly uçarmansyz howa ulaglary gatnaşýar.

Terrora we ýaragly guramalara garşy göreş maksady bilen geçirilýän türgenleşik 18-nji marta çenli dowam eder.

Geçirilen ähli barlaglardan soñ uçurylan ýaragly uçarmasyz howa ulaglary simulirlenen duşmanyň nyşanlaryny kesgitlemek we gözegçilik nokatlaryna ýetirmek wezipesini üstünlikli ýerine ýetirdi.

Azerbaýjan Goranmak Ministirligi tarapyndan berilen beýannamada” Azerbaýjan goşuny  operasiýa-taktiki meýilnama laýyklykda 2021-nji ýyldaky söweşe taýýarlyk tälimini ýerine ýetirdi” diýildi.