Dünýä bazarlarynda tebigy gazyň we nebitiň bahasy ýokarlanýar
Russiýa-Ukraina urşy sebäpli üpjünçilik ýetmezçiligi baradaky aladalar sebäpli dünýä bazarlarynda tebigy gazyň we nebitiň bahasy ýokarlanýar.
02 Mart 2022 12:40
Merkezi Gollandiýada ýerleşýän wirtual tebigy gaz söwda platformasy TTF-de satylan aprel ýangyç şertnamalarynyň bahasy şu gün megawatt-sagatda 129 ýewro bilen açyldy we 138 ýewra çenli ýokarlady. Şeýlelik-de ýewropada tebigy gaz şertnamalarynyň bahasy, düýnki söwda güni bilen deňeşdirilende 14 göterim ýokarlady.
Russiýa-Ukraina urşy sebäpli üpjünçilik ýetmezçiligi baradaky aladalar sebäpli dünýä bazarlarynda tebigy gazyň we nebitiň bahasy ýokarlanýar.
Russiýanyñ Ukraina garşy raketaly hüjümler guramagy sebäpli tebigy gaz infrastrukturasynyň uly zeper görmegine we gaz akymynyň kesilmegine garaşylýar.
Urşuñ dowam etmegi ýagdaýynda nebit we tebigy gaz üpjün edijiliere garşy sanksiýa goýulmagy hem bahalary ýokarladar.
Geçen hepde Germaniýa Rus tebigy gazyny ýurda akytjak Demirgazyk Akym 2 taslamasynyñ tassyklanyş tapgyryny togtatdy we yz ýanyndan ABŞ, Demirgazyk Akym 2 taslamasyny ýöredýän 2 firmany sanksiýa sanawyna alandygyny mälim etdi.
Nebit bahalary rekord derejede ýokarlaýar
Ukrainada söweşiñ barha möwjemegi sebäpli nebit bahalary 2014-nji ýylyñ iýul aýyndan bäri iñ ýokary derejesine yetdi.
Düýn 107,67 dolara çenli ýokarlan Brent nebitiñ barrel bahasy güni 104,97 dolar bilen tamamlady.
Şugün bolsa brent nebitiñ barrel bahasy 112,4 dolardan satylýar.
ABŞ we yewropa ýurtlaryñ Russiýa garşy goýan sanksiýalaryndan soñ BP, Equinor we Shell firmalary hem Russiyadan çekilme karary kabul etdi.
Fransuz energiýa firmasy TotalEnergies, Russiýadaky täze taslamalara mayagoýum goýmajakdygyny mälim etdi.
Amerikan energiýa firmasy ExxonMobile hem Russiýadaky Sahalin-1 tebigy gaz we nebit sebitlerinde önümçiliginini saklandygyny we ýurtda täze mayagoýum goýmajakdygyny mälim etdi.
Bazarlar, Nebit eksport edýän ýurtlar guramasy (OPEC) we aralarynda Russiýanyñ bolan OPEC-iñ agzasy bolmaýan yurtlardan ybarat bolan OPEC+ toparynyñ geçirjek maslahatyny üns merkezinde saklaýar.