Dünýä ýurtlaryñ wekilleri Antalýa Diplomatiýa Foruma gatnaşar
Russiýa we Ukrainanyñ arasyndaky çaknyşyklaryñ bes edilmegi we hemişelik parahatçylygyñ üpjün edilmegi üçin uly tagalla eden Türkiýe, Russiýa-Ukraina urşunyñ başlan gününden bäri Russiýanyñ daşary işler ministri Sergeý Lawrow we Ukrainanyñ daşary işler ministri Dmitro Kulebany ilkinji gezek Antalýada duşuşdyrar.
09 Mart 2022 17:37
Türkiýäniñ eden diplomatik tagallalarynyñ netijesinde geçiriljek duşuşykda esasanam çaknyşyklaryñ we iki ýurduñ arasynda hemişelik ot atyşygyñ bes edilmegi ylalaşygynyñ gazanylmagy maksatlanýar.
Kärdeşleri bilen diplomatik gepleşiklere üznüksiz dowam edýän Türkiýäniñ daşary işler ministri Mewlüt Çawuşogly, Russiýa-Ukraina urşunyñ başlamazyndan ozal Sergeý Lawrow we Dmitro Kulebany 11-13-nji Martda geçiriljek Antalýa Diplomatiýa Foruma dawat etdi.
VIII Stambul Töwellaçylyk Konferensiýasy
10-njy Martda Türkiýe-Russiýa-Ukraina üçtaraplaýyn maslahaty bilen bir hatarda VIII Stambul Töwellaçylyk Konferensiyasy geçiriler.
2012-nji ýyldan bäri geçirilýän konferensiýa, liderler, syýasatçylar, diplomatlar, hünärmenler, mugallym we talyplar bolmak bilen jemi 200-den aşa adam gatnaşar.
Antalýa Diplomatiýa Forumy
Foruma dünýäniñ çar künjeginden köp sanda döwlet we hökümet ýolbaşçy, syýasatçy, bilim adamy, hünärmen, diplomat, halkara guramalaryñ wekilleri we işewür adamlar bilen bilelikde talyplar hem gatnaşýar.
NATO we ÝB-den hem wekiller Antalýa Diplomatiýa Foruma gatnaşar.
NATO-nyñ baş sekretary Ýens Stoltenberg, Ýewropa Parlamentyñ baş sekretary Mariýa Buriç, Ýewropa parlamenty Türkiýe reportýory Nacho Sanchez Amor, ÝB-niñ daşary gatnaşyklar we howpsuzlyk syýasaty boýunça ýokary wekili Josep Borell we Birleşen Milletler Guramasynyň Medeniýetler Bileleşigi (UNAOC) ýokary wekili Migel Angel we BMG-nyň Somali boýunça ýörite wekili Jeýms Swan gatnaşyjylaryñ arasynda orun alýar.
Kosowonyñ prezidenti Wýosa Osmani we Wenezuellanyñ daşary işler ministri Felix Plasencia we Bosniýa-Gersogowinanyñ prezidium geñeşiniñ 3 agzasy hem Antalýa Diplomatiýa Foruma gatnaşar.
Şwesiýanyñ daşary işler ministri Ann Linde, Finlanýandiýanyň Daşary işler ministri Pekka Haawisto, Slowakiýanyň Daşary işler we Ýewropa ministri Iwan Korcok we Lýuksemburgyň Daşary işler ministri Žan Asselborn ýaly ýewropadan köp sanda daşary işler ministri gatnaşar.
Azerbaýjanyñ daşary işler ministri Jeýhun Baýramow, Ermenistanyñ daşary işler ministri Ararat Mirzoýan, Palestinanyñ daşary işler ministri Riýad Maliki we Owganystan Taliban hökümetiñ daşary işler ministriñ wekili Emirhan Muttaki hem foruma gatnaşyjylaryñ hatarynda orun alýar.
Antalýa Diplomatiýa Forumyñ çäginde 3 sany liderler paneli we tapawutly temalarda 30-dan gowrak panel gurnalar.