"Energetika ulgamyndaky durnukly hyzmatdaşlyk ählumumy ösüşiň möhüm şertidir” atly halkara onlaýn maslahat
1-nji dekabrda Türkmenistanyň paýtagty Aşgabatda “Energetika ulgamyndaky durnukly hyzmatdaşlyk ählumumy ösüşiň möhüm şertidir” atly halkara onlaýn maslahat geçirildi.
03 Aralık 2020 13:48
1-nji dekabrda Türkmenistanyň paýtagty Aşgabatda “Energetika ulgamyndaky durnukly hyzmatdaşlyk ählumumy ösüşiň möhüm şertidir” atly halkara onlaýn maslahat geçirildi.
Türkmenistanyň hemişelik Bitaraplygynyň 25 ýyllyk senesine gabatlanylyp geçirilýän foruma 32 ýurtdan 220-den gowrak wekil, nebitgaz kompaniýalarynyň 80-siniň ýolbaşçylary we esasy hünärmenleri, ugurdaş ministrlikleriň we pudaklaýyn dolandyryş edaralarynyň, abraýly halkara guramalaryň hem-de maliýe edaralarynyň, diplomatik we ylmy toparlaryň, köpçülikleýin habar beriş serişdeleriniň wekilleri gatnaşdylar. Forumda hormatly Prezident Gurbanguly Berdimuhamedowyň maslahata gatnaşyjylara iberen Gutlag haty okaldy. “Uglewodorod serişdeleriniň uly gorlaryna eýe bolan ýurdumyzyň energetika strategiýasy ýangyç-energetika toplumyny hemmetaraplaýyn ösdürmäge hem-de Türkmenistanyň dünýäniň energetika ulgamyna sazlaşykly goşulmagyna gönükdirilendir. Köpugurly gaz geçiriji ulgamy döretmek, türkmen energiýa serişdelerini dünýä bazarlaryna ugratmagyň ugurlaryny diwersifikasiýalaşdyrmak pudagy ösdürmekde geçirilýän işleriň möhüm ugurlarydyr” diýlip, Gutlagda bellenilýär. Forumyň barşynda energetika ulgamynda halkara hyzmatdaşlyk bilen baglanyşykly meseleleriň ençemesi ara alnyp maslahatlaşyldy.
Ilkinji gezek Aşgabat forumynda Halkara gaz birleşiginiň baş sekretary Luis Bertran Rafekas çykyş etdi. Jenap Rafekasyň umumy mejlisde hödürlän çykyşy “COVID-19-dan soňky döwürde tebigy gaz dünýäniň energetikasynda” diýen mowzuk bilen baglanyşykly boldy. Howanyň üýtgemegine we onuň zyýanly netijelerine garşy göreşmek boýunça dessin çäreleriň görülmeginiň zerurdygyny nazara almak bilen, tebigy gaz geljegiň energetikasy üçin esas bolup durýar. Mälim bolşy ýaly, döwletleriň köpüsi tarapyndan gol çekilen Pariž ylalaşygy hut şuňa gönükdirilendir. Bu ylalaşyk 2020-nji ýyldan başlap, atmosferanyň düzüminde kömürturşy gazynyň möçberini azaltmak boýunça çäreleri kadalaşdyrýar. “Tebigy gaz durnukly energetika geçmekde esasy ugurdyr” atly çykyş hut şu mowzuga bagyşlandy. Maslahatda bu mesele boýunça Ählumumy gaz merkeziniň ýerine ýetiriji direktory Waleri Dýukro çykyş etdi. Nebitgaz pudagynda özara gatnaşyklaryň strategik ugurlary we energetika pudagyny ösdürmekde halkara serhetaşa hyzmatdaşlyk tejribeleriniň paýlaşylan forumda karz we maliýe guramalarynyň roly hem ara alnyp maslahatlaşyldy.
Anahtar Kelimeler: “Energetika ulgamyndaky durnukly hyzmatdaşlyk ählumumy ösüşiň möhüm şertidir” atly halkara onlaýn maslahat,