Ýewraziýa Ykdysady Bileleşigiň hökümet baştutanlary sebitdäki geosyýasy dartgynlyk güntertibi bilen ýygnandy

Ýewraziýa Ykdysady Bileleşigiň Hökümetara Geňeşi, Gazagystanyň paýtagty Nur-Soltanda sebitdäki geosyýasy dartgynlyk güntertibi bilen ýygnandy.

25 Şubat 2022 15:04

Gazagystanyñ premýer minsitri Alihan Smailowyñ ýer eýeçiliginde geçirilen maslahata Belarusyñ premýer minsitri Roman Golowçenko, Gyrgyzystanyñ premýer ministri Akylbek Žaparow, Russiýanyñ premýer ministri Mihail Mişustin, Ermenistanyñ premýer ministri Nikol Paşinýan we synçy status bilen Özbegistanyñ premýer ministri Abdulla Aripow gatnaşdy.

Gazagystanyñ premýer ministri Smailow eden çykyşynda sebitdäki geosyýasy dartgynlyk we inflasiýanyñ Ýewraziýa Ykdysady Bileleşige agza ýurtlar üçin iññän möhim mesele bolmaga dowam edýändigini nygtap 2021-nji ýylda bileleşige agza ýurtlar arasyndaky özara söwda göwrümiñ 18  göterim ýokarlandygyny ýöne bu görkezijiniñ içerki bazaryñ durnukly ösmegi üçin ýeterlik bolmadygyny aýtdy. Smailow, özara söwda gatnaşyklaryny ösdürmek üçin içerki bazarlardaky päsgelleriñ ýatyrylmalydygyny aýtdy.

Russiýanyñ ministrler kabinetiniñ başlygy Mihail Mişustin maslahatda eden çykyşynda Ýewraziýa Ykdysady Bileleşigine agza ýurtlara daşardan basyş edilmegine garamazdan hyzmatdaşlygy pugtalandyrmaga tagalla edilýändigini nygtap: “ Şugünki maslahat, daşarky basyşlar we ýewropa ýurtlarynyñ bizi bölme tagallalaryna garamazdan hemme pudakda bilelikde hyzmatdaşlygy güýçlendirmäge ygrarly bolandygymyzyñ subutnamasydyr”-diýdi.

Gyrgyzystanyñ ministrler kabinetiniñ başlygy Žaparow eden çykyşynda Bileleşigiñ üçegi astynda Ýewraziýa Krizise Garşy Göreş Gaznasynyñ döredilmegini teklip etdi.

Maslahatdan soñ Bileleşige agza ýurtlar arasynda raýat uçarlarynyñ önümçiligi pudagynda senagat hyzmatdaşlygyny ösdürmek, “synçy statusdaky” Özbegistan bilen Ýewraziýa Ykdysady Bileleşigi bilen köp sanly hyzmatdaşlyk ähtnama gol çekildi.