Gazagystan ýokary bahaly uran önümlerini öndürmegi maksat edinýär

Gazagystanyň Energetika ministri Nurlan Nogaýew, ýurdunyň diňe tebigy urany öndürmek we üpjün etmek bilen çäklenmän, eýsem gymmat bahaly uran önümlerini öndürmek bilen hem gyzyklanýandygyny aýtdy.

16 Mart 2021 19:08

Gazagystanyň Energetika ministri Nurlan Nogaýew, premýer ministr Askar Maminiñ ýolbaşçylygynda geçirilen ministirler kabinetiniñ mejlisinde ýurduñ uran pudagynda ýeten sepgitleri barasynda brifing berdi.

Gazagystanda ýyllyk uran önümçiligiñ 1997-nji ýyldaky 796 tonnadan 2021-nji ýylda 19,5 müñ tonna ýetendigini nygtan Nogaýew, Gazagystanyñ 2009-njy ýyldan bäri tebigy uran önümçiliginde dünýäde 1-nji hatarda orun alýandygyny aýtdy.

Ministr Nogaýew, Gazagystan diňe tebigy urany öndürmek we üpjün etmek bilen çäklenmän, eýsem gymmat bahaly uran önümlerini öndürmek bilen hem gyzyklanýandygyny we bu maksat bilen dik ýadro ýangyç aýlaw toplumyny gurmaklyk göz öňünde tutulýandygyny aýtdy.