Gazagystan we Gyrgyzystan strategık hyzmatdaşlygy ösdürmek boýunça ylalaşdy

Gyrgyz Respublikasynyñ prezidenti Sadyr Japarow iki günlik resmi sapar bilen Gazagystana bardy.

03 Mart 2021 13:39

Prezident Sadyr Japarow, Prezident Kasym Jomart Tokaýew tarapyndan Akorda Köşkünde resmi dabara bilen garşylandy. Resmi garşylama dabarasyndan soñ liderler ikiçäk we toparara gepleşikler geçirdiler. Gepleşiklerde söwda, ykdysadyýet, maýagoýum, goranmak, energiýa, suw çeşmeleri, gümrik, saglygy goraýyş, bilim we medeni ugurlar boýunça ikitaraplaýyn gatnaşyklar bilen sebitara we halkara meseleler ara alyndy.

Gepleşiklerden soñ çap edilen jarnamada; iki ýurduň arasynda özara ynam we deňlik esasynda strategiki hyzmatdaşlyk gatnaşyklary ösdürmek boýunça ylalaşyk gazanylandygy bellendi.

Gazagystan we Gyrgyzystan senagat, gidroelektrik, ýangyç we energiýa toplumy, ýerasty baýlyklary ulanmak, oba hojalygy, gaýtadan işlemek, logistika we bank pudaklarynda hyzmatdaşlyk taslamalaryny durmuşa geçirip başlar.

Medeni gatnaşyklary hasam ösdürmek üçin Gyrgyzystanyň paýtagty Bişkekde meşhur Gazak şahyry Abaý Kunanbaýewiň ýadygärligi, Nursoltan şäherinde bolsa Manas we Çingiz Aýmatowyň ýadygärlikleri gurlar.

Iki ýurduň ygtyýarly ministrlikleriniň arasynda Gazagystandan Gyrgyzystana harby tehniki kömek ylalaşygy bilen elektrik söwdasy ýaly köp  ugurlarda resminamalara gol çekildi.

Gyrgyzystanyñ prezidenti Sadyr Japaow Astana guran sapary çäginde Gazagystanyñ gurujy prezidenti Nursultan Nazarbaýew we Mejlisiñ başlygy Nurlan Nigmatulin bilen duşuşdy.