Gazagystanda daşary ýurtlulara oba hojalyk ýerlerini satmak kanunlaýyn gadagan ediler
Gazagystan Respublikasynyñ prezidenti Kasym Jomart Tokaýew oba hojalyk ýerleriniñ daşary ýurtlulara satylmagy we kreýine berilmeginiñ kanunlaýyn gadagan edilmegi üçin tabşyryk berdi.
25 Şubat 2021 15:50
2019-njy ýylda häkimýet we halkyň arasyndaky aragatnaşygy ösdürmek maksady bilen döredilen Sosial Ynam Milli Geňeşiniñ 5-nji mejlisi prezident Kasym Jomart Tokaýewiň ýolbaşçylygynda geçirildi.
Prezident Tokaýew mejlisde eden çykyşynda ýurtdaky oba hojalyk meýdanlaryñ daşary ýurtlulara satylýandygy barasynda çykýan myş-myşlaryñ soñlanmalydygyny aýtdy.
Gazagystan topraklarynyñ döwletiň nyşanydygyna ünsi çeken prezident Tokaýew, Prezident Administrasiýasyna oba hojalyk ýerleriniñ daşary ýurtlular tarapyndan satyn alynmagyny we kreýine berilmegini gadagan edýän kanun taslamasyny işläp düzmegi tabşyrdy.