Gyrgyzystanda “Türk Dünýäsiniñ Düýni, Şugüni we Geljegi” temaly ylmy maslahat öz işini tamamlady
Gyrgyzystan- Türkiýe Manas Uniwersiteti we Türki dilli ýurtlaryñ Parlamentar Assambleýasy (TÜRKPA) tarapyndan Bişkek şäherinde “Türk Dünýäsiniñ Düýni, Şugüni we Geljegi” temaly ylmy maslahat öz işini tamamlady.
19 Mart 2021 10:31
Gyrgyzystanyñ paýtagty Bişkekde, Türk dünýäsiniñ halklary we döwletleri arasynda bitewilik we jebisligi pugtalandyrmagy, geljek nesilleriñ bilim we terbiýesine yşyk tutmagy maksatlaýan “ Türk Dünýäsiniñ Düýni, Şugüni we Geljegi” temaly ylmy maslahat öz işini tamamlady
Ylmy maslahat, Türkiýe Beýik Millet Mejlisiniñ açylyşynyñ 100 ýyllygy, Türki dilli döwletleriñ Garaşsyzlyklarynyñ 30 ýyllygy we 2021-nji ýyl “ Türkiýe Respublikasy Döwlet senasynyñ ýyly” mynasybetli Gyrgyzystan- Türkiýe Manas Uniwersiteti we Türki dilli ýurtlaryñ Parlamentar Assambleýasy (TÜRKPA) tarapyndan gurnaldy.
Ylmy maslahatyñ “Türk dünýäsiniň geljegi: garaşylýanlar we mümkinçilikler" temaly soñky sessiýasynda Gyrgyzystan Ata Watan partiýanyñ deputaty Kanybek Imanaliýew, Yeneniseý ýazgylarynyň Türk Dünýäsindäki ähmiýeti barasynda taýarlan doklady bilen çykyş etdi
Türkiýäniñ Adalat we Ösüş partiýanyñ deputaty Mustafa Janbeý hem eden çykyşynda Çanakgala deniz söweşiniñ dowam edýän döwründe ýazylan 2 sany haty okap 250 müñ Türk esgeriñ Çanakgala söweşinde deni-taýy bolmaýan gahrymanlyk bilen watany gorandyklaryny aýtdy.
Mustafa Janbeý, Türk Dünýäsinde geçen 30 ýylyñ dowamynda gazanylan üstünlikleriñ we önde goýulan maksatnamalaryna şaýat bolmagyñ Türkiýe üçin uly buýsanç çeşmesi bolandygyny aýtdy.
Türk Dünýäsiniñ taryhyna medeniýetine, sungatyna we mirasyna eýe çykyp bu gymmatlyklaryñ goranyp geljek nesillere ýetirilmegi üçin tagalla edilmelidigini nygtan TÜRKPA-nyñ baş sekretary Altynbek Mamaýusupow, ylmy maslahata gatnaşyjylara köp sagbolsun aýtdy.
Gyrgyzystan-Türkiýe Manas Uniwersitetiñ rektory Prof. Dr. Alparslan Jeýlan ylmy maslahatda edilen çykyşlaryñ kitap nusgasyna getiriljekdigini habar berdi.
Ylmy maslahat, TÜRKPA-nyñ gatnaşma şahadatnamalary we sowgatlary gowşurulmagy bilen öz işini tamamlady.