Gyrgyzystanda "Yssyk Köl syýahatçylyk ýarmarkasy" geçiriler

Gyrgyzystanda, ýurduň ähli sebitleriniň syýahatçylyk mümkinçiliklerini ösdürmek maksady bilen "Yssyk Köl Syýahatçylyk ýarmarkasy 2022" atly halkara syýahatçylyk ýarmarkasy geçiriler.

12 Mayıs 2022 10:52

Ýurduň dynç alyş merkezi bolan Yssyk köl sebitiniň Çolpon-Ata şäherinde geçiriljek Halkara syýahatçylyk ýarmarkasy, Ruh Ordo açyk howa muzeýinde geçiriler.

Medeniýet, maglumat, sport we ýaşlar syýasaty ministri Azamat Jamankulow geçiren metbugat ýygnagynda 200-den gowrak syýahatçylyk kompaniýasynyň syýahatçylyk ýarmarkasyna gatnaşjakdygyny habar berdi.

Ministr Jamankulow ýarmarka ýerli we daşary ýurtly myhmanlary çagyryp, myhmanlaryň syýahatçylyk kompaniýalarynyň, umumy ýaşaýyş jaýlarynyň, dynç alyş öýleriniň we syýahatçylyk pudagynda işleýän beýleki guramalaryň hyzmatlary bilen tanşyp biljekdiklerini aýtdy.

Azamat Jamankulow, 14-nji maýda Şanhaý Hyzmatdaşlyk Guramasynyň Halkara Yssyk Köl marafony we syýahatçylyk foruma 22 ýurtdan 3000 türgeniň gatnaşmagynda geçiriljekdigini aýtdy.

Yssyk köl syýahatçylyk ýarmarkasynda Türk medeniýeti we aşhanasyny tanatmak maksady bilen Bursa şäheriniñ stendi gurlar. şäheriň iň möhüm marka gymmatlyklaryndan biri bolan Bursa ýüpegi, ýüpek haly we aýna-keramiki önümler Bursa stendinde görkeziler.

Ýarmarkada 2022 Türki Dünýäsiniñ Medeni Paýtagty Bursa we Gyrgyzystan-Türkiýe Manas Uniwersiteti hem tanadylar.