Gyrgyzystanyň hökümeti TÜRKSOÝ-nyň Baş sekretary wezipesine saýlanan Sultan Raýewiň terjimehalyny çap etdi

Gyrgyzystanyň hökümeti, TÜRKSOÝ-nyň Baş sekretary wezipesine saýlanan Sultan Raýewiň terjimehalyny çap etdi.

01 Nisan 2022 10:36

Bursa şäherinde TÜRKSOÝ-a agza ýurtlaryñ medeniýet ministleriniň hemişelik geňeşiniň nobatdan daşary maslahatynda TÜRKSOÝ-yň Baş sekretarlygyna biragyzdan saýlanan Sultan Raýew, Gyrgyzystanyñ  Oş sebitiniñ Kara-Suuu etrabynyñ žoş obasynda 1958-nji ýylyñ 13-nji iýulynda dünýä indi.

1984-nji ýylda Gyrgyzystan Döwlet Uniwersitetiniň žurnalistika bölümini gutaran Raýew, 1977-1979-njy ýyllar aralygynda harby gullugyny berjaý etdi.

Iş durmuşyna  1979-njy ýylda "Gyrgyzystanyň medeniýeti" atly gazetde başlap, 2002-nji ýyla çenli tapawutly döwlet gazetlerinde habarçy we baş redaktor bolup işledi.

2002-2020-nji ýyllar aralygynda Sultan Raýew, medeniýet we bilim ministrliklerinde tapawutly wezipelerde işledi. Ol, ministriñ orunbasary,komissiýalaryñ başlygy we ministr wezipelerini ýerine ýetirdi.

Raýew, 2020-nji ýyldan bäri Türki döwletleriñ guramasynyñ baş sekretarynyñ orunbasary bolup işleýärdi.

Raýew öz ýurdunda medeniýet we döwlet işgäri hökmünde tanalýar

Gyrgyzystanda köp sanda hekaýa, roman, drama we goşgy ýazmak bilen tanalýan, 14 döwlet, gazna we halkara baýraklarynyň eýesi  bolan Sultan Raýew, 2011-nji ýylda "halk ýazyjysy" adyna mynasyp boldy.

Ol, "Tozanyň ýoly" (1988), "Günüň çagasy" (1991), "Şa aýalynyň gözýaşlary" (2008), "Hepdäniň bäşinji güni" (2011), "Täç" (2012), "Gabaw"(2019) atly hekaýalary,  "Jynaza" (2013) , "Gara" (2015)," Hepdäniñ Bäşinji güni" (2017), "Sil" (2018) we "Tamarhane" (2018) romanlaryny ýazdy.

Ol, "Aý, gyzlar "(1990), "Güneşde bir çaga" (1990), "Bir Diwar" (1992), "Aýal "(1993), "Peýnir" (1998), "Men taýýar" (1999), "Ishak Razzakow" (2000), "Şa aýalynyň aglamagy" (2001), "Mekgä gidýän uzak ýol" (2011), "Sufler" (2015), "ýyrtyjy guş" (2016) dramalaryny ýazdy.

"Kurmanjan-Datka", "Soñky gün", "Dogan" we " Zenan" atly çeper filmleriniň ssenarileriniň eýesi  bolan Sultan Raýew 2016-njy ýylda “Antistandart” atly goşgy kitabyny neşir etdi.

Sultan Raýew 2021-nji ýylda Gazagystanyň prezidenti tarapyndan “Agzybirlik” medaly bilen sylaglandy.