Gyrgyzystanyñ Türkiýe Respublikasyndaky ılçisi Ömüraliýew TDG-niñ baş sekretary boldy

Gyrgyzystanyñ Türkiýe Respublikasyndaky adatdan daşary we doly ygtyýarly ilçisi Kubanyçbek Ömüraliýew, Özbegistanyñ Samarkant şäherinde geçirilýän Türki döwletleriñ guramasynyñ döwlet baştutanlarynyñ IX Geñeşinde, guramanyñ baş sekretarlyk wezipesine bellendi.

12 Kasım 2022 23:11

Özbegistan Respublikasynyň Prezidenti Şawkat Mirziýoýewiň ýer eýeçiliginde geçirilýän geñeşe Türkiýe Respublikasynyñ prezidenti Rejep Taýyp Erdogan, Azerbaýjan Respublikasynyñ prezidenti Ilham Aliýew, Gazagystan Respublikasynyñ prezidenti Kasym Žomart Tokaýew, Gyrgyz Respublikasynyñ prezidenti Sadyr Žaparow, Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow, Wengriýanyñ premýer ministri Wiktor Orban we Türki döwletleriñ guramasynyñ baş sekretary Bagdat Amreýew gatnaşdy.

Türki döwletleriñ guramasynyñ döwlet baştutanlarynyñ IX Geñeşinde, Gyrgyzystanyñ Türkiýe Respublikasyndaky adatdan daşary we doly ygtyýarly ilçisi Kubanyçbek Ömüraliýew guramanyñ baş sekretarlyk wezipesine bellendi.

Ömüraliýew 2022-nji ýylyñ 14-nji noýabrynda Stambul şäherindäki Guramanyñ Baş binasynda geçiriljek dabarada wezipäni Bagdat Amreýewden alar.

Ömüraliýew, Gyrgyzystanyñ  Belarus, Estoniýa, Latwiýa, Litwa, Ysraýyl we Türkiýedäki adatdan daşary we doly ygtyýarly ilçisi bolup işledi.

Gyrgyzystanyň Garaşsyz döwletler arkalaşygynyň (GDA) hemişelik wekili bolup işleýän Kubanyçbek Ömuraliýew, Gyrgyzystanyň Daşary işler ministrliginde we ýurduñ tapawutly döwlet edaralarynda hem ýokary wezipelerde işledi.

Ömüraliýew, “2022-nji ýylyň iň üstünlikli ilçisi”, 2020-nji ýyldaTÜRKSOÝ-uñ “Çingiz Aýtmatow” medaly, 2019-nji ýylda “Gyrgyz Respublikasynyň Daşary işler ministrliginiň 75 ýyllyk medaly”, 2018-nji ýylda “Çingiz Aitmatow halkara klubynyň ýörite nyşany”, 2017-nji ýylda "Garaşsyz döwletleriň Arkalaşygynyň hormat şahadatnamasy" we 2006-njy ýylda "Gyrgyz Respublikasynyň hormat şahadatnamasy" bilen sylaglandy.