hun-rmenlere-gor-turki-dun-si-meta-lemini-gurmakda-gij-galmaly-d-ldir

Hünärmenlere görä Türki dünýäsi meta älemini gurmakda gijä galmaly däldir

Prezidentiň ýanyndaky Kommunikasiýalar edarasynyň ýer eýeçiliginde Türki döwletleriň guramasynyň metbugat we maglumat gullugyndan jogapkär ministrleriň we ýokary wezipeli resmileriñ IV maslahaty çäginde geçirilen “Türki dünýäsiniň umumy geljegi nukdaýnazaryndan ýaýlymda hyzmatdaşlygyň mümkinçilikleri" atly panelde çykyş eden hünärmenlere görä türki dünýäsi meta älemini gurmakda gijä galmaly däldir.

15 Mayıs 2022 00:06

TRT-niñ dolandyryş guramasynyñ başlygy Prof. Dr. Ahmet Albaýragyñ ýolbaşçylygynda geçirilen “Türki dünýäsiniň umumy geljegi nukdaýnazaryndan ýaýlymda hyzmatdaşlygyň mümkinçilikleri" atly panele Azerbaýjanly Teknoblogger we Youtuber Farid Pardaşunas, IT Park Özbegistan başlygynyñ orunbasary Bahadyr Aýupow, Gazagystan Habar Agentliginiñ dolandyryş guramasynyñ başlygy Berik Uali, Han Group dolandyryş guramasynyñ başlygy Burak Soýlu we Gazagystan 10Tech-iñ esaslandyryjysy Bauýryzhan Şalabekow gatnaşdy.

Türksat we Azer Spice emeli hemralar hebar teleýaýlymlary arkaly sebitdäki ýurtlarda mugt görkezilýär.

Bahadyr Aýupow metawersiň ýakyn ýyllarda durmuşyň aýrylmaz bölegine öwrüljekdigini aýtdy. Metawersiñ çäklendirilmedik ulanyş meýdanynyň bardygyny belläp geçen Aýupow, metawerse tapgyry başlanda, ähli ugurlarda, esasanam işewür dünýäsinde ulanyş usullarynyň üýtgejekdigini aýtdy.

Aýupow, “Önüm we hyzmatlaryň metawersde görkezilmegi aňsatlaşar. Adamlar hiç pul tölemän islän ýerlerine gezelenç edip bilerler"-diýdi.

Metawerse saýasynda gurluşyk, saglygy goraýyş, bilim ýaly köp ugurlarda sanly ynkylaplar durmuşa geçiriljekdigini belläp geçen Aýupow, bu tapgyr bilen her pudakda täze mümkünçilikler ýüze çykjakdygyny gürrüñ berdi.

Habarlar