Kiýewde Krym şemaly öwüsdi

Ukrainanyñ paýtagty Kiýewde Krym Tatar medeniýetiniñ tanyşdyrylyş dabarasy boldy.

04 Ağustos 2021 03:52

Ukrainanyñ paýtagty Kiýewde Krym Tatar medeniýetiniñ tanyşdyrylyş dabarasy boldy.

Paýtagt Kiýewde geçirilen“ Krym Hanlygynyñ Şöhratly Asyry”atly  dabarada Ukrainalylara orta asyr Krym tatar medeniýeti tanadyldy.

Myhmanlar üçin çäräniñ gurnalan meýdança Krym tatarlarynyň myhmansöýerligini görkezýän ýere öwrüldi. Çärä gatnaşyjylar Krym kofesini dadyp gördüler. Kofeden soñ bolsa krym tatar aşhanasyndan dürli tagamlar hödür-kerem edildi.

Çäräniñ çäginde Krym Maşgalasy jemgyýetçilik guramasynyñ talyplary halk tanslaryny ýerine ýetirdiler. Taryhçy Gulnara Abdulaýewa Krym tatarlarynyň etnogenezi we Hanlyk döwri barasynda maglumat berdi.

Dabarada modelýerler Elmira Kataki we Leniýe Ibragimowa tarapyndan taýýarlanan Krym tatarlarynyň milli egin- eşikleriniñ moda görkezilişi boldy.