Merkezi Aziýanyñ iñ uly metjidi: Ymam Sarahsy Metjidi

Ymam Sarahsy Metjidi, Türkiýe Dini işler Guramasy we Türkiýe Dini işler gaznasynyñ Gyrgyzystana beren sowgady.

03 Eylül 2021 21:27

Gyrgyzystanyñ paýtagty Bişkekde orun alýan Ymam Sarahsy Metjidi, Merkezi Aziýadaky iñ uly metjidlerden biri.

Şäheriñ merkezinde ýerleşýän metjid 4 sany minarasy bilen Türk binagärliginiñ gözelligini görkezýär.

Ankara Kojatepe metjidine meňzeş gurlan metjitde bir wagtyň özünde 20 müň adam namaz okap bilýär.

Takmynan 35 gektar meýdanda gurlan metjit we toplum dört bölekden ybarat. Metjitden başga-da toplumyň içinde dini hyzmatlar boýunça maslahat we müfti binalary bar.

Merkezi Aziýadaky metjitlerden tapawutly gurlan metjit, içki we daşarky arhitekturasy bilen deñi-taýy bolmaýan gözellige eýe.

Gurluşygyna 2012-nji ýylda başlanan we 2018-nji ýylda tamamlanan metjit açylan gününden bäri Gyrgyzystanly musulmanlary kabul edýär.