Özbegistan Respublikasynyň prezidenti Şawkat Mirziýoýew: "Demokratik özgertmelerimiz täze Özbegistan gurmagy maksat edinýär"

Özbegistanyň prezidenti Şawkat Mirziýoýew demokratik özgertmeleriň täze Özbegistany gurmagy maksat edinýändigini nygtap bu demokratik özgertmelerden yza gaýdylmajakdygyny aýtdy.

22 Şubat 2021 23:17

Özbegistan Respublikasynyň prezidenti Şawkat Mirziýoýew Ženewada geçirilen Birleşen Milletler Guramasynyň Adam Hukuklary Geňeşiniň 46-njy sessiýasyna wideo konferensiýa arkaly gatnaşdy.

Prezident Mirziýoýew eden çykyşynda ýurdunyň ilkinji gezek BMG-nyň Adam hukuklary geňeşiniň agzasy hökmünde sessiýa gatnaşýandygyny nygtap adam hukuklary we azatlyklaryň üpjün edilmegi meselesi Özbegistanda edilýän özgertmelerde möhüm orny eýeleýändigini aýtdy.

BMG-nyň 75 ýyllyk taryhynda adam hukuklarynyň ähliumumy gymmatlykdygyny, bu gymmatlygyň bolman dünýäde parahatçylygyň, howpsuzlygyň we durnukly ösüşiň mümkin bolmaýandygyny aýdyň görkezendigini nygtan prezident Mirziýoýew “ BMG Adam Hukuklary Geňeşiniň agzasy hökmünde Özbegistan adam hukuklary baradaky halkara hukugynyň ähliumumy ýörelge we kadalaryny gorar  "-diýdi.

Prezident Mirziýoýew, adam hukuklary boýunça entäk köp işleriň amala aşyrylmalydygyny we bu meselede halkara hyzmatdaşlygyň ähmiýetini belläp geçip BMG-nyň Adam hukuklary boýunça ýokary komissary Mişel Baçeleti ýurduna çagyrdy.