Özbegistanyñ “Garaşsyzlyk” Ýadygärlik Toplumy

Özbegistanyñ şanly Garaşsyzlygynyñ 30 ýyllygyna bagyşlanyp ýasalan “Garaşsyzlyk” ýadygärlik toplumy, Özbek halkynyñ üç müñ ýyllyk taryhyny, medeniýetini wasp edýär.

02 Eylül 2021 17:20

Paýtagt Daşkentiñ golaýynda açylan “Täze Özbegistan” seýilgähiñ edil merkezinde orun alýan we Türk arhitektor Sinan Turaman tarapyndan çyzylan “ Garaşsyzlyk” ýadygärlik toplumy, Özbek halkynyñ üç müñ ýyllyk taryhyndan bölekleri özünde jemleýär.

60 metr beýikligindäki ýadygärlik toplumynda biziñ eramyzdan ozalky döwürlerden başlap bu topraklarda gurlan döwletler we ýaşap geçen beýik şahsyýetleriñ orun alýan üç galkynyş döwri gürrüñ berilýär.

Prezident Şawkat Mirziýoýewiñ tabşyrygyna laýyklykda Türk arhitektor Sinan Turaman tarapyndan gurlan ýadygärlikde Samarkand şäherindäki Emir Teýmiriñ kümmedi we Registan Kompleksi, Buhara şäherindäki Ysmaýyl Samani kümmedi we Kelan metjidi, Tirmiz Arheologiýa Muzeýiniñ şekilleri bilen Al Buruniniñ ýazan “ Aýyñ hereketleri” atly eserindäki şekil we nagyşlar orun alýar.

Ýadygärligiň öňünde Timur imperiýasynyñ esaslandyryjysy Emir Teýmiriñ kümmetinden ylham alnyp ýasalan gök gümmez  orun alýar, gümmeziň daşarky bölümünde bolsa Özbegiýanyň 3000 ýyllyk taryhyny gürrüñ berýän relyef diwary bar.

Meşhur lukman Ibn Sina, algebra we algoritmiň atasy Al-Horezmi, meşhur astronom we matematik Al-Biruni, Timur imperiýasynyň esaslandyryjysy Emir Teýmur, meşhur şahyr we döwlet adamy Ali Şir Nowaýy, Timur imperiýasynyň 4-nji soltany, matematik we astronom Ulug Beýiñ aralarynda bolan köp sanda beýik şahsyýetleriň heýkelleriniñ orun alýan diwarda Özbegistanyñ taryhy we  medeniýetini gürrüñ berýän hronologiki kompozisiýa döredildi.

Ýadygärligiň daşky ýüzündäki üç diwarda bolsa bu topraklarda dörän üç galkynyş döwrüñ elementleri bar. Birinji diwarda IX-XII asyr, ikinji diwarda XIV- XV asyr we üçünji diwarda bolsa 3-nji galkynyş zamanasynyñ düýbi tutulan döwür hökmünde häsiýetlendirilen döwrebap Özbegistanda baş beren wakalar bilen baglanyşykly elementler orun alýar. Şeyle-de 3-nji diwarda Prezident Şawkat Mirziýoýewiñ wezipesine başlan gününden bäri maksatlanýan meýilnamalar, kazyýet ulgamyny döwrebaplaşdyrmak, ykdysadyýeti liberallaşdyrmak, daşary syýasaty we sosial pudakdaky özgertmeleri öz içine alýan ösüş strategiýasy bäş bölümde gürrüñ berilýär.

Beýik ýüpek ýoluñ hem gürrüñ berilýän ýadygärligiñ çur depesinde bolsa humaý guşy orun alýar.

“Garaşsyzlyk” Ýadygärlik Toplumy 2021-nji ýylyñ 31-nji awgustynda ýurduñ şanly garaşsyzlyk toýunyñ 30 ýyllygy mynasybetli geçirilýän baýramçylyk çäreleriñ çäginde Prezident Şawkat Mirziýoýewiñ gatnaşmagynda uly dabara bilen açyldy.