Prezident Erdogan Türkmenistana resmi sapar bilen gitdi

Türkiýe Respublikasynyñ prezidenti Rejep Taýyp Erdogan 2 günlik resmi sapar bilen Türkmenistana gitdi.

27 Kasım 2021 12:28

Türkiýe Respublikasynyñ prezidenti Rejep Taýyp Erdogan Atatürk howa menzilinden hususy uçar bilen Türkiýe sagady bilen 10:40-da Aşgabat şӓherine ugrady.

Prezident Erdogan bilen energetika we tebigy serişdeler ministri Fatih Dönmez, milli goranmak ministri Hukusi Akar, bilim ministri Mahmut Özer, oba hojalygy we tokaý ministri Bekir Pakdemirli, transport we infrastruktura ministri Adil Karaismailogly, söwda ministri Mehmet Muş, Prezidentiñ ýanyndaky kommunikasiýalar edarasynyñ başlygy Fahrettin Altun we prezidentiñ metbugat sekretary Ibrahim Kalyn Türkmenistana gitdi.

Türkmenistanyň Prezidenti Gurbanguly Berdimuhamedow, paýtagt Aşgabatda Prezident Erdogany resmi dabara bilen garşylar.

Saparyň çäginde özara we toparara gepleşikler geçirler we iki taraply gatnaşyklar ähli taraplaýyn ara alnyp maslahatlaşylar.

Gepleşiklerden soň şertnamalar bukjasyna gol çekişiler.

Prezident Erdogan, Türkmenistana gurajak saparynyň ikinji gününde Ykdysady hyzmatdaşlyk guramasynyň 15-nji sammitine gatnaşar. Sammitiñ çӓginde Prezident Rejep Taýyp Erdoganyñ liderler bilen ikitaraplaýyn gepleşikler geçirmegine garaşylýar.

Sammitde gurama agza ýurtlaryň arasyndaky söwda gatnaşyklary ara alnyp maslahatlaşylar.