Prezident Erdogan Zelenskiý bilen telefon arkaly söhbetdeşlik geçirdi
Türkiýe Respublikasynyñ prezidenti Rejep Taýyp Erdogan Ukrainanyñ prezidenti Wladimir Zelenskiý bilen telefon arkaly söhbetdeşlik geçirdi. Söhbetdeşlikde iki lider Russiýanyñ Donesk we Luganskyñ garaşsyzlygyny ykrar etme karary ara alyndy.
22 Şubat 2022 17:38
Kommunikasiýalar edarasy tarapyndan berilen beýannamada iki lideriñ telefon söhbetdeşliginde Russiýanyñ Donesk we Lugansk Respyblikalaryny ykrar etme kararyny ara alandyklary habar berildi.
Prezident Erdogan, Russiýa Howpsuzlyk Geñeşiniñ nobatdan daşary maslahatynda yglan edilen kararlary üns merkezlerinde saklamada dowam edýändiklerini belläp Türkiýäniñ Prezident Wladimir Putiniñ Donesk we Lugansk Respublikalaryny ykrar etme kararyny kabul etmeýändigini aýtdy.
Ukrainanyñ toprak bitewiligini nyşana alýan ähli çemeleşmelere garşy bolandyklaryny nygtan Prezident Erdogan meseläniñ çözgüdi üçin halkara diplomatiýanyñ ähli mümkünçiliklerinden peýdalanylmalydygyny aýtdy.
Prezident Rejep Taýyp Erdogan Russiýa-Ukraina krizisde başyndan bäri Türkiýäniñ dartgynlygy azaltmak üçin tagalla edendigini nygtap: “ Krizisiň çözgüdi bilen bagly ýüzlenmelerimizi açyk ýagdýada orta goýdyk. Başdan geçirilen soňky hadysalar bilen baglanşykly Daşary işler ministrligimiziň beren beýanatynda hem Russiýanyň Donesk we Lugansk Respublikalarynyň Garaşsyzlyklaryny ykrar etmegi bilen baglanşykly kararyň Minsk ylalaşygyna tersidigi nygtaldy. Şol kararyň Ukrainanyň syýasy jebisliginiň, özbaşdaklygynyň we territorial bütewilginiň açyk ýagdaýdaky düzgün bozmasy manysyny berýändigi bellendi" diýip habar berdi.
Prezident Erdogan: "Karary kabul ederliksiz hökmünde häsýetlendirýäris. Taraplary sagdyn pikirlilige we halkara hukugy berjaý etmäge çagyrýarys. Gara deňize kenary bolan ýurt hökmünde ençeme çäre bukjalarynyň emele getirilmegi zerur. Biz hem öz gezegimizde şol çäreleri görýäris, mundan öň hem gördük" diýip belledi.
Prezident Erdogan Ukrainanyň Döwlet baştutany Wladimir Zelenskiýniň BMG-nyň Howpsuzlyk Geňeşi-Türkiýe-Germaniýa umumy sammidiň geçirilmegi bilen bagly teklip barada: "BMG-nyň Howpsuzlyk geňeşiniň agzalary we beýleki ýurtlar ony kabul etse şol maslahata gatnaşarys" diýip mälim etdi.