Prezident Erdoganyñ Özbegistana guran resmi sapary Özbek metbugatynda giñ beýan tapdy
Türkiýe Respublikasynyñ prezidenti Rejep Taýyp Erdoganyñ Özbegistana guran resmi sapary Özbek metbugatynda giñ beýan tapdy.
31 Mart 2022 15:44
Özbegistanda çap edilýän döwlet gazetleriñ hemmesi Prezident Rejep Taýyp Erdoganyñ iki günlik Özbegistana guran saparyny ilkinji sahypada çap etdi.Täze Özbegistan, Halkyñ sözi, Özbegistanyñ Owazy, Prawda Wostoka, Norodnoýe Slowo we 21. Asyr gazetleri Prezident Rejep Taýyp Erdoganyñ Özbegistana guran sapary barasynda giñişleýin habar taýarlap okaýjylaryñ dykkatyna ýetirdi.
Özbegistanyñ döwlet habar gullugy UzA, Prezident Rejep Taýyp Erdoganyñ guran resmi sapary habaryny okaýjylaryna” Özbek-Türk hyzmatdaşlygyñ özmeginde täze bir döwür başlaýar” sözbaşy bilen berdi. Habarda iki ýurduñ arasynda gol çekilen ätnmalaryñ arasyda Türkiýäniñ Anadoly Agentligi we UzA arasynda hyzmatdaşlyk ähtnamasyna gol çekilendigine ünsi çekildi.
Halkyñ sözi gazeti, Prezident Rejep Taýyp Erdoganyñ Özbegistanyñ prezidenti Şawkat Mirziýoýew bilen geçiren ikiçäk we toparara gepleşiklerini barasynda habary “ Türkiýe Respublikasynyñ prezidenti Erdoganyñ ýurda guran sapary netijeli geçdi” sözbaşy bilen berdi.
Narodnoe Slowo gazeti, Prezident Rejep Taýyp Erdoganyñ Özbegistana guran sapary barasynda habary “ Özbegistan-Türkiýe gatnaşyklarynda täze döwir” sözbaşy bilen çap etdi. Habarda, Özbegistan-Türkiýe ýokary derejeli strategik hyzmatdaşlyk geñeşiñ 2-nji maslahatynda, ikitaraplaýýn gatnaşyklaryñ hasam ösmegi üçin esasy meseleleriñ ara alynandygy we maslahatyñ çäginde iki ýurduñ arasynda ençeme pudaklary öz içine alýan 10-a golaý ähtnamalara gol çekiliendigi habar berildi. Habarda, Prezident Erdoganyñ täze gurlan Täze Öbegistan seýilgähindäki Garaşsyzlyk ýadygärligine gül çemeni goýup gezelenç eden ilkinji daşary ýurt lideri bolandygy bellendi.
Prawda gazeti hem Prezident Rejep Taýyp Erdoganyñ Özbegistana guran sapary we iki ýurduñ arasyndaky gatnaşyklar barasynda giñişleýin maglumat berdi. Gazetiñ “ täze hakykatlar bilen Özbegistan-Türkiýe ykdysady gatnaşyklar” sözbaşy bilen çap edilen habarda soñky 5 ýylyñ dowamynda iki ýurduñ arasyndaky söwda göwrümiñ 2,5 esse ýokarlap Türkiýäniñ 2021-nji ýylda Özbegistanyñ iñ uly 4-nji söwda şärigi bolandygyna ünsi çekildi.
21-nji asyr gazeti bolsa Prezident Erdoganyñ Özbegistana guran sapary barasynda habary şahyr Ýunus Emräniñ “ meniñ dilim guş dilidir, meniñ ilim dost ilidir” goşgy setirli sözbaşy bilen berdi. Habarda Türkiýäniñ iñ ýakyn dost we doganlyk ýurt bolandygy bellendi.
.