Russiýa-Türkiýe-Ukraina üçtaraplaýyn maslahat

Russiýa-Ukraina urşunuñ başlan gününden bäri Russiýa we Ukraina arasynda iñ ýokary derejeli duşuşyk şugün Antalýa şäherinde geçiriler. Russiýa, Türkiýe we Ukrainanyñ üçtaraplaýyn daşary işler ministrleriñ maslahatyny dünýä ýurtlary üns merkezinde saklaýar.

10 Mart 2022 10:39

Russiýa we Ukraina arasyndaky çaknyşyklaryñ bes edilmegi we sebitde parahatçylygy üpjün etmek üçin uly tagalla edýän Türkiýe, Russiýa-Ukraina urşunyñ başlan gününden bäri ilkinji gezek Russiýanyñ daşary işler ministri Sergeý Lawrow we Ukrainanyñ daşary işler ministri Dmitro Kulebany duşuşdyrýar.

Üçtaraplaýyn maslahatda çaknyşyklaryñ bes edilmegi we iki ýurduñ arasynda hemişelik ot atyşygyñ bes edilmegi ylalaşygynyñ kabul edilmegi maksatlanýar.

Türkiýe diplomatik tagallalaryny üznüksiz dowam edýär

Daşary işler ministrleriñ üçtaraplaýyn maslahatyñ Russiýanyñ Ukraina guraýan hüjümlerini soñlandyrmagy üçin öwrülşik nokady bolmagy tama edilýär.

Lawrow we Kuleba Antalýada

Russiýanyñ daşary işler ministri Sergeý Lawrow we Ukrainanyñ daşary işler ministrii Dmitro Kuleba, Antalýada geçiriljek Russiýa-Ukraina- Türkiýe üçtaraplaýyn daşary işler ministrleriñ maslahatyna gatnaşmak üçin Antalýa geldiler.

Antalýa diplomatiýa forumy

Türkiýäniñ daşary işler ministri Mewlüt Çawuşoglynyñ ýer eýeçiliginde geçiriljek Antalýa Diplomatiýa forumyñ açylyş dabarasynda Prezident Rejep Taýyp Erdogan çykyş eder.

Foruma üç müñe golaý adamyñ gatnaşmagyna garaşylýar. 19 döwlet we hökümet ýolbaşçysy, 73 ministr we 42 sany halkara guramalaryñ wekilleri Antalýa Diplomatiýa Foruma gatnaşar.

Türkiýäniñ gatnaşyklarynyñ kadalaşmaga başlaýan Ermenistanyñ daşary işler ministri Ararat Mirzoýan hem foruma gatnaşyjylaryñ arasynda orun alýar.