Russiýanyñ prezidenti Putin Kollektiw Howpsyzlyk Guramasyna agza ýurtlaryñ liderleri bilen Gazagystanda baş berýän wakalar barasynda telefon arkaly söhbetdeşlik geçirdi

Kremliñ metbugat sekretary Dmitriý Peskow, Russiýanyñ prezidenti Wladimir Putiniñ Gazagystanyñ prezidenti Kasym Žomart Tokaýew we Kollektiw Howpsyzlyk Guramasyna agza ýurtlaryñ liderleri bilen Gazagystanda baş berýän wakalar barasynda telefon arkaly söhbetdeşlik geçirendigini mälim etdi.

07 Ocak 2022 19:12

Kremliñ metbugat sekretary Dmitriý Peskow metbugata beren beýanatynda düýn we şu gün Prezident Wladimir Putiniñ Gazagystanda baş berýän wakalar barasynda Kollektiw Howpsyzlyk Guramasyna agza ýurtlaryñ liderleri bilen telefon arkaly söhbetdeşlik geçirendigini mälim etdi.

Prezident Wladimir Putiniñ Gyrgyz Respublikasynyñ prezidenti Sadyr Žaparow, Belarus Respublikasynyñ prezidenti Aleksandr Lukaşenko, Täjigistan Respublikasynyñ prezidenti Emomali Rahmon we Ermenistanyñ premýer ministri Nikol Paşinýan bilen Gazagystanda baş berýän wakalar barasynda telefon arkaly söhbetdeşlik geçirendigini belläp geçen Peskow, Prezident Putiniñ Gazak kärdeşi Tokaýew bilen birnäçe gezek telefon arkaly söhbetdeşlij geçirendigini habar berdi.

Peskow, telefon söhbetdeşliginde liderleriñ Gazagystanda baş berýän wakalar, Gazagystanyň raýatlarynyň howpsuzlygy, ýurtda tertip-düzgüni gorap saklamak we halkara terrorçylyga garşy göreş üçin Kollektiw Howpsyzlyk Guramasynyñ mandatynyň çäginde bilelikdäki hereketler ara alnyp maslahatlaşandygyny habar berdi.

Bulardan başga-da Peskow, Russiýanyñ goranmak ministri Sergeý Şoýgunyñ Kollektiw Howpsyzlyk Guramasynyñ parahatçylyk güýjüniñ Gazagystanda alyp barýan operasiýalary barasynda ýygy-ýygydan Prezident Putine hasabat berýändigini hem belledi.