Russiýanyñ Ukraina guraýan hüjümleriniñ 6-njy güni
Ukrainanyň şäherlerinden bomba we sirenalaryň sesleri gelýärkä, dünýä ýurtlary Russiýa garşy berk reaksiýa görkezýär.
01 Mart 2022 10:35
2022-nji ýylyñ 24-nji ferwalynda Russiýa Federasiýasynyñ prezidenti Wladimir Putin : “ Ukranany basyp alma niýetimiz ýok”-diýip Rus goşunyna Ukraina garşy harby operasiýa başlatma buýrugy berdi we Ukraina garşy harby operasiýa başlady.
Ukrainanyñ paýtagty Kiýewiñ başda durmagynda ýurduñ çar künjeginden bomba sesleri eşidilmäge başlady. Kiýewiñ ýaşaýjylarynyñ bir bölegi şäherden başga ýerlere göçdi.
Ukrainada söweş ýagdaýy yglan edildi. Ukrainanyñ prezidenti Wladimir Zelenskiý,” halka öýde galyñ çagyryşy berip ýurtda söweş ýagdaýy yglan edilendigini mälim etdi.
Kiýewde kamendant sagady yglan edildi.
Ukrainanyñ goranmak ministrligi eli ýarag tutýan raýatlary goşuna çagyrdy.
25-nji fewralda Ukrainanyñ prezidenti Zelenskiý Rus sabotaž toparlarynyñ Kiýewe girendigini mälim etdi. Ukrainanyñ halky we goşuny Rus esgerlerine garşy söweşmäge dowam etdi.
Russiýanyñ goranmak minsitrligi tarapyndan berilen beýannamada, Ukraina şäherleriniñ we asuda ilatyñ nyşana alynmaýandygy diñe Ukrain gpşununa degişli nokatlaryñ nyşana alynýandygyny öñe sürüldi.
Köp ýurduñ paýtagtynda müñlerçe adam ýygnanyp Russiýanyñ Ukraina garşy guraýan hüjümlerine berk reaksiýa görkezdiler we “söweş islämzok” şygarlary ýañlanyp başlady. Russiýada köp şäherde guralan “ söweş islämzok” ýörişine gatnaşanlar tutsag edilmäge başlandy.
26-njy fewralda Russiýanyñ goşuny Kiýewdaky elektrik stansiýasyna hüjüm gurady. Ukrain we Rus goşuny arasynda güýçli çaknyşyk baş berdi.
Ukrainanyñ goranmak ministrligi, Rus harby goşunyñ Kiýewdaky harby baza hüjüm gurandygyny ýöne hüjümiñ yzyna serpikdirilendigi mälim etdi.
26-njy fewralda Ukraina tarapyndan berilen beýannamada Ukrainanyñ hökümetiniñ od atyşygyñ bes edilmegi ylalaşygyny kabul etmäge we parahatçylygy goramaga taýar bolandygy mälim edildi.
Kiýewde 28-nji fewrala çenli sagat 17:00- dan irden sagat 08-00 çenli kamendant sagady güýje girizildi we bu sagatlarda daşaryk çykanlaryñ duşman kabul ediljekdigi mälim edildi.
Ukrainanyñ içeri işler ministrligi, Kiýewde meýletinlere 25 müñden aşa ýarag we 10 million ok-däri berilendigini mälim etdi.
27-nji fewralda paýtagt Kiýewiñ gözegçiliginiñ doly Ukrainanyñ goşunynda bolandygy mälim edildi.
Köp sanda döwlet Russiýa garşy goşmaça sanksiýa sanawyny kabul etmäge başlady. ABŞ, ÝB we Kanada Russiýanyñ prezidenti Wladimir Putin we daşary işler ministri Sergeý Lawrowy sanskiýa sanawyna girizendiklerini mälim etdi. ÝB, Russiýanyñ 64 sany uly guramasyny sanksiýa sanawyna alandygyny mälim etdi.
Hüjümiñ 4-nji gününde Russiýanyň prezidenti Wladimir Putin Goranmak ministrligine rus goşunynyň ýörite toparyny söweş ýagdaýa geçirilmeginiñ görkezmesini berdi.
Odesa şäherinde çaknyşyklar möwjedi. Şähere giriş-çykyşlar gadagan edildi.
ÝB, Russiýa garşy täze sankksiýa bukjasyny kabul etdi we Russiýanyñ Merkez banky bilen köp sanda Rus banky halkara töleg ulgamy SWIFT ulgamyndan çykaryldy.
ÝB-ne agza ýurtlar howa giñişligini ähli rus uçarlaryna ýapdy. Kabul edilen karara görä Rus uçarlary ÝB-niñ topraklaryna gonup bilmez.
ÝB ýurtlaryndan daşary; Şwesiýa, Norwegiýa, Islandiýa, Moldowa, Demirgazyk Makedoniýa, Albaniýa we Kanada hem howa giňişligini Rus uçarlaryna ýapdy.
Hüjümiñ 5-nji gününde Rus we Ukrain wekiliýeti Ukraina-Belarus serhedinde gepleşik geçirdi. 6 sagat dowam eden gepleşiklerden soñ Ukrainanyñ prezidenti Wladimir Zelenskiý “gepleşiklerden garaşylan netijäni alyp bilmedik”-diýdi.
Amerikanyň emeli hemra maglumatlary kompaniýasy Maksar takmynan 5 kilometr uzynlygyndaky ýüzlerçe harby ulagy öz içine alýan rus harby kerweniniň Kiýewe tarap barýandygyny habar berdi.
Russiýanyñ Ukraina guraýan hüjümlerinde şugunki güne çenli aralarynda 14 çaganyñ bolmagynda 352 adamyñ ýogalandygy we aralarynda 116 çaganyñ bolmagynda jemi 1684 adamyñ bolsa ýaralanandygy mälim edildi. Çaknyşyklardan gaçyp goñşy döwletlere sygynan Ukrainalylaryñ sany bolsa 400 müñi geçdi.
Ukrainada ýaşaýan Türkler ýurda getirilmäge dowam edýär. Bir bölegi Odessa, Kiýew we Harkowdan awtobuslar bilen Türkiýä getirildi. Bir bölegi bolsa Rumyniýanyñ üsti bilen Türk howa ýollaryna degişli uçar bilen Stambul şäherine getirildi.